କେନ୍ଦୁଝର,୩ା୮(ସ୍ବ.ପ୍ର.)- କେନ୍ଦୁଝର ଜିଲା ହରିଚନ୍ଦନପୁର ବ୍ଲକ ଜାମୁଯୋଡ଼ି ପଞ୍ଚାୟତ ଅଧୀନ ଜାମୁପଶି ସାହିରେ ମଙ୍ଗଳବାର ଏକ ଦୁଃଖଦ ଘଟଣା ଘଟିଛି। ସ୍ଥାନୀୟ ପୋଖରୀରେ ବୁଡ଼ି ମା’ ଝିଅଙ୍କ ମୃତ୍ୟୁ ଘଟିଛି। ମୃତକ ହେଲେ ସେହି ସାହିର ବାସୁଦେବ ନାଏକଙ୍କ ସ୍ତ୍ରୀ ଦ୍ରୌପଦୀ(୪୦) ଓ ତାଙ୍କ ସାନ ଝିଅ ରିଙ୍କି(୬)।
ଚାଷ କାମ ସାରି ସା ସମୟରେ ଦ୍ରୌପଦୀ ଝିଅ ରିଙ୍କିଙ୍କ ସହିତ ଘର ପାଖ ପୋଖରୀକୁ ଗାଧୋଇବାକୁ ଯାଇଥିଲେ। ଘରକୁ ଫେରିବା ଡେରି ହେବାରୁ ବଡ଼ ଝିଅ ବ୍ୟସ୍ତ ହୋଇ ଖୋଜାଖୋଜି କରିଥିବା ବେଳେ ପୋଖରୀରେ ମା’ ଭାସୁଥିବା ଦେଖିବାକୁ ପାଇଥିଲା। ପାଟି କରିବାରୁ ଘଟଣା ସ୍ଥଳରେ ପହଞ୍ଚିଥିଲେ ଗାଁ ଲୋକେ। ସେମାନଙ୍କ ଠାରୁ ଖବର ପାଇ ଅଗ୍ନିଶମ ବାହିନୀ ପହଞ୍ଚି ମା’ ଝିଅଙ୍କ ମୃତଦେହ ବାହାର କରିଥିଲେ। ହରିଚନ୍ଦନପୁର ପୋଲିସ ଏକ ଅପମୃତ୍ୟୁ ମାମଲା ରୁଜୁକରି ମୃତଦେହ ବ୍ୟବଚ୍ଛେଦ ପାଇଁ ପଠାଇଛି।
