ଦେବଗଡ଼,୧୫।୧୨(ଡି.ଏନ୍.ଏ.): ଦେବଗଡ ଜିଲା ରିଆମାଳ ବ୍ଲକ ଅନ୍ତର୍ଗତ ଖିଲବେରେଣି ଗ୍ରାମରେ ବୁଧବାର ବିଳମ୍ବିତ ରାତିରେ ବିଦ୍ୟୁତ ସଂସ୍ପର୍ଶରେ ଆସି ଏକ ମାଈ ହାତୀର ମୃତ୍ୟୁ ଘଟିଛି। ୧୭ ଘରିଆ ହାତୀପଲରୁ ଉକ୍ତ ହାତୀଟିର ମୃତ୍ୟୁ ଘଟିବା ପରେ ଅନ୍ୟ ହାତୀମାନେ ନିକଟରେ ଥିବା କମଳା ବଗିଚା ଉଜାଡ଼ି ଦେବା ସହ ମୃତ ହାତୀକୁ ଜଗି ରହିଛନ୍ତି। ଘଟଣାସ୍ଥଳରେ ଲୋକଙ୍କୁ ଦେଖି ସେମାନେ ଗୋଡ଼ାଉଥିବା ଯୋଗୁ ଅଞ୍ଚଳବାସୀ ଆତଙ୍କିତ ହୋଇପଡ଼ିଛନ୍ତି। ଅପରପକ୍ଷେ କୁଣ୍ଡେଇଗୋଳା ସେକ୍ସନ ବନ କର୍ମଚାରୀ ବୁଧବାର ସାରୁ ଉକ୍ତ ଗ୍ରାମରେ ଜଗି ରହିଥିଲେ ହେଁ ଅସହାୟତା ପ୍ରକାଶ କରିଛନ୍ତି। ଏଥିସହ ସେମାନେ ଗାଁ ଲୋକଙ୍କ ସାହାଯ୍ୟ ଲୋଡୁଥିବା ସୂଚନା ମିଳିଛି।