ସାଧାରଣତଃ ବିବାହ ପରେ ବୋହୂମାନେ ଶାଶୁମାନଙ୍କ ବିରୋଧରେ ଅଭିଯୋଗ ଆଣନ୍ତି। କିନ୍ତୁ ବିବାହ ଦିନ ବୋହୂ ଶାଶୁଙ୍କ ବିରୋଧରେ ଅଭିଯୋଗ ଆଣିବା ନିହାତି ଆଶ୍ଚର୍ଯ୍ୟର ବିଷୟ। ଏକ ବିବାହ କାର୍ଯ୍ୟକ୍ରମରେ ଶାଶୁ ଏପରି କାର୍ଯ୍ୟ କରିଥିଲେ, ଯାହାଦ୍ୱାରା ତାଙ୍କ ଭାବି ବୋହୂ ନିଜକୁ ଲଜ୍ଜିତ ଅନୁଭବ କରିଥିଲେ। ଶାଶୁଙ୍କ ଏପରି କାର୍ଯ୍ୟରେ କନ୍ୟା ବହୁତ ରାଗି ଯାଇଥିଲେ। ଏବେ ସେ ସୋସିଆଲ ମିଡିଆରେ ଶେୟାର କରି ପଚାରିଛନ୍ତି ଯେ, ଶାଶୁଙ୍କ ଏପରି ଆଚରଣରେ ସେ କ୍ଷମା ମାଗିବା ଉଚିତ୍ ହେବ କି?
ସମ୍ପକ୍ତ ଯୁବତୀ ଜଣଙ୍କ ସୋସିଆଲ ମିଡିଆ ପ୍ଲାଟଫର୍ମରେ କହିଥିଲେ ଯେ, ବିବାହ ପୂର୍ବରୁ ଉଭୟ ପରିବାର ତାଙ୍କ ପୋଷାକ ଚୂଡାନ୍ତ କରିଥିଲେ। ଶାଶୁଙ୍କ ପାଇଁ ମଧ୍ୟ ଏକ ପୋଷାକ କିଣାଯାଇଥିଲା, ଯାହା ତାଙ୍କ ପାଇଁ ବହୁତ ଭଲ ଥିଲା। କିନ୍ତୁ ମଝିରେ ଶାଶୁ ଆଉ ଏକ ପୋଷାକ ପାଇଲେ ଏବଂ ସେ ବିବାହ ଭୋଜି ମଝିରେ ପୋଷାକ ବଦଳାଇ ଥିଲେ। ସେହି ପୋଷାକ ବହୁ ପରିମାଣରେ କନ୍ୟା ପୋଷାକ ସହିତ ମେଳ ଖାଉଥିଲା। ସେ ମୋ ଜୀବନର ଏପରି ଏକ ବିଶେଷ ଦିନ କିପରି ନଷ୍ଟ କରୁଛନ୍ତି ତାହା ଦେଖି ମୁଁ ଆଶ୍ଚର୍ଯ୍ୟ ହୋଇଗଲି। ଶାଶୁଙ୍କ ଏପରି ଆଚରଣ ଦେଖି ବିବାହକୁ ଆସିଥିବା ଅତିଥିମାନେ ଥଟ୍ଟା କରି କହିଥିଲେ ଯେ, ସେ କନ୍ୟା ପରି ପୋଷାକ ପରିଧାନ କରିଛନ୍ତି। ଏଥିପାଇଁ ଶାଶୁ କହିଥିଲେ ଯେ ବରର ମା’ ଭାବରେ ଏହା ତାଙ୍କ ପାଇଁ ଏକ ବିଶେଷ ଦିନ ହୋଇଥିବାରୁ ଏହା କରିବା ତାଙ୍କ ପାଇଁ ଆବଶ୍ୟକ ଅଟେ। ଏଥିସହିତ କନ୍ୟା ଏସବୁ ଦେଖିବା ପରେ ଶାଶୁଙ୍କ ଉପରେ ରାଗି ଯାଇଥିଲେ ଏବଂ ସେ ତାଙ୍କ ଶାଶୁଙ୍କୁ ଏପରି କରିବା ବନ୍ଦ କରନ୍ତୁ ବୋଲି କହିଥିଲେ। ତେବେ ବିବାହର ବଷେର୍ର୍ ପରେ ମଧ୍ୟ ଶାଶୁ ତାଙ୍କ ବୋହୂକୁ କହୁଛନ୍ତି ଯେ, ସେଦିନ ତାଙ୍କ ଆଚରଣ ପାଇଁ କ୍ଷମା ମାଗନ୍ତୁ। ଏବେ ସୋସିଆଲ ମିଡିଆରେ ବୋହୂ ଏକ ପୋଷ୍ଟ କରି ବୋହୂ ପଚାରିଛନ୍ତି ଯେ, ସେ ଶାଶୁଙ୍କୁ କ୍ଷମା ନ ମାଗି କିଛି ଭୁଲ କରିଛନ୍ତି କି? ଏହା ଉପରେ ଅଧିକାଂଶ ଲୋକ କନ୍ୟାକୁ ସମର୍ଥନ କରୁଥିବାବେଳେ କିଛି ଲୋକ କହିଥିଲେ ଯେ ସେ ତାଙ୍କ ଶାଶୁଙ୍କୁ କ୍ଷମା ମାଗିଦେବା ଉଚିତ୍।