ପୁଣେ,୩।୨ : ପୁଣେ ବିଶ୍ୱବିଦ୍ୟାଳୟ ସହ ଜଡିତ ଏକ ଲଲିତ କଳାକେନ୍ଦ୍ର ସହ ଜଡିତ ଜଣେ ପ୍ରଫେସର ଏବଂ ପାଞ୍ଚ ଜଣ ଛାତ୍ରଙ୍କୁ ରାମଲୀଳା ଉପରେ ଆଧାରିତ ଏକ ନାଟକରେ ପ୍ରଭୁ ଶ୍ରୀରାମ ଏବଂ ଦେବୀ ସୀତାଙ୍କୁ ପରିହାସ କରି ଧାର୍ମିକ ଭାବନାକୁ ଆଘାତ ଦେଇ ଥିବା ଅଭିଯୋଗରେ ଗିରଫ କରାଯାଇଛି। ପ୍ରଫେସର ଡକ୍ଟର ପ୍ରବୀଣ ଭୋଲେ ଏବଂ ଛାତ୍ରମାନେ ଅପମାନଜନକ ସଂଳାପ ଏବଂ ଦୃଶ୍ୟ ବ୍ୟବହାର କରୁଥିବା ଅଭିଯୋଗ ହୋଇଥିଲା ଯେଉଁଥିରେ ପ୍ରଭୁ ଶ୍ରୀରାମ ଏବଂ ଦେବୀ ସୀତାଙ୍କୁ ଆପତ୍ତିଜନକ ଭାବେ ଚିତ୍ରଣ କରାଯାଇଥିଲା। ସାବିତ୍ରୀବାଇ ଫୁଲେ ପୁଣେ ବିଶ୍ୱବିଦ୍ୟାଳୟର ଚିତ୍ରକଳା କେନ୍ଦ୍ର ଦ୍ୱାରା ଉପସ୍ଥାପିତ ଏହି ନାଟକ ବିବାଦ ସୃଷ୍ଟି କରିଥିଲା କାରଣ ଏଥିରେ ଜଣେ ପୁରୁଷ ଅଭିନେତା ସୀତାଙ୍କ ଚରିତ୍ରରେ ଅଭିନୟ କରି ସିଗାରେଟ ଟାଣିବା, ପ୍ରଭୁ ଶ୍ରୀରାମ ତାଙ୍କୁ ଲାଇଟର ଦେଉଥିବା ଦୃଶ୍ୟ ସହିତ ଆପତ୍ତିଜନକ ଭାଷା ବ୍ୟବହାର କରିବା ନେଇ ବିବାଦ ସୃଷ୍ଟି ହୋଇଥିଲା।
ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି)ର ସଦସ୍ୟ ଏବଂ ଲଲିତ କଳା କେନ୍ଦ୍ରର ଛାତ୍ରୀଛାତ୍ରମାନେ ଆପତ୍ତିଜନକ ଚିତ୍ରକୁ ନେଇ ତଆପତ୍ତି ଉଠାଇ ଅଭିଯୋଗ କରିଥିଲେ। ଏବିଭିପି କାର୍ଯ୍ୟକର୍ତ୍ତା ହର୍ଷବର୍ଦ୍ଧନ ହରପୁଡ ଏକ ଅଭିଯୋଗ ଦାଖଲ କରିଥିଲେ, ଯାହା ପରେ ଧାର୍ମିକ ଭାବନାକୁ ଉଦ୍ଦେଶ୍ୟମୂଳକ ଭାବେ କ୍ଷତି ପହଞ୍ଚାଇବା ସହିତ ଭାରତୀୟ ଦଣ୍ଡ ସଂହିତା ଧାରା ୨୯୫ (କ) ଅନୁଯାୟୀ ଏକ ମାମଲା ରୁଜୁ ହୋଇଥିଲା। ଗିରଫ ବ୍ୟକ୍ତିଙ୍କ ମଧ୍ୟରେ ଡ ପ୍ରବୀଣ ଭୋଲେ ଏବଂ ଛାତ୍ର ଭବଶ ପାଟିଲ, ଜୟ ପେଦେନକର, ପ୍ରଥମେଶ ସାୱନ୍ତ, ହ୍ରିକେଶ ଦଲଭି ଏବଂ ୟଶ ଚିଖଲେ ଅଛନ୍ତି। ଏଫଆଇଆର୍ ଅନୁଯାୟୀ, ଯେତେବେଳେ ଏବିଭିପି ସଦସ୍ୟମାନେ ଆପତ୍ତି ଉଠାଇ ନାଟକ ବନ୍ଦ କରିଥିଲେ, କଳାକାରମାନେ ସେମାନଙ୍କୁ ଧକ୍କା ଦେବା ସହ ଆକ୍ରମଣ କରିଥିବା ଅଭିଯୋଗ ହୋଇଥିଲା।
ଏହି ଘଟଣା କଳାତ୍ମକ ଅଭିବ୍ୟକ୍ତି ଏବଂ ଧାର୍ମିକ ଭାବନା ଉପରେ ସୀମାକୁ ନେଇ ଉଦବେଗ ସୃଷ୍ଟି କରିଛି। କଳାତ୍ମକ ସ୍ବାଧୀନତା ଏବଂ ସାଂସ୍କୃତିକ ସମ୍ବେଦନଶୀଳତା ପରିପ୍ରେକ୍ଷୀରେ ସମ୍ମାନିତ ବ୍ୟକ୍ତିବିଶେଷଙ୍କ ଚିତ୍ର ଉପରେ ବିତର୍କ ସୃଷ୍ଟି କରିଛି।
In a play staged at Savitribai Phule Pune University (SPPU), Mata Sita is being shown smoking a cigarette and Prabhu Shri Ram ji is assisting her in lighting it.
Requesting @CPPuneCity @DGPMaharashtra @PuneCityPolice to register a case under 295A and take strict action against… pic.twitter.com/QRjOnD4i9R
— Randomsena (@randomsena) February 3, 2024
