ନୂଆଦିଲ୍ଲୀ,୨୭।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ୮୬ତମ ‘ମନ କି ବାତ୍’ କାର୍ଯ୍ୟକ୍ରମରେ ଦେଶ ତଥା ବିଶ୍ୱ ସମ୍ମୁଖୀନ ହେଉଥିବା ଆହ୍ବାନ ବିଷୟରେ ଉଲ୍ଲେଖ କରିଛନ୍ତି। ଏହା ସହ ନିଜ ମାତୃଭାଷାକୁ ମା’ ସହ ତୁଳନା କରିଛନ୍ତି ପ୍ରଧାନମନ୍ତ୍ରୀ। ସେ କହିଛନ୍ତି, ଆମ ମା ଆମ ଜୀବନକୁ ଆକୃଷ୍ଟ କରନ୍ତି, ସେହିପରି ଆମ ମାତୃଭାଷା ମଧ୍ୟ ଆମ ଜୀବନକୁ ଗଢେ। ଯେପରି ଆମେ ଆମ ମାଆକୁ ଛାଡି ପାରିବୁ ନାହିଁ, ସେହିପରି ଆମେ ମଧ୍ୟ ମାତୃଭାଷା ଛାଡି ପାରିବୁ ନାହିଁ। ସ୍ବାଧୀନତାର ୭୫ ବର୍ଷ ପରେ ମଧ୍ୟ କିଛି ଲୋକ ମାତୃଭାଷାକୁ ନେଇ ମାନସିକ ଦ୍ୱନ୍ଦ୍ୱରେ ଜୀବନ ବିତାଉଛନ୍ତି। ସେମାନଙ୍କର ଭାଷା, ପୋଷାକ, ଖାଦ୍ୟ ଏବଂ ପାନୀୟ ବିଷୟରେ ଦ୍ୱିଧା ଅଛି, କିନ୍ତୁ ବିଶ୍ୱର ଏମିତି କିଛି ଅନ୍ୟ କୌଣସି ସ୍ଥାନରେ ସେପରି କିଛି ନାହିଁ।
ତାମିଲ ହେଉଛି ଭାରତର ସର୍ବ ପୁରାତନ ଭାଷା। ୨୦୧୯ ମସିହାରେ, ହିନ୍ଦୀ ଦୁନିଆର ସବୁଠାରୁ କଥିତ ଭାଷା ମଧ୍ୟରେ ତୃତୀୟ ସ୍ଥାନ ଅଧିକାର କରିଥିଲା। ଆଜି, ଅର୍ଥାତ୍ ଫେବୃୟାରୀ ୨୭ ମଧ୍ୟ ମରାଠୀ ଭାଷା ଗୌରବ ଦିବସ। ଏହି ଅବସରରେ ପ୍ରଧାନମନ୍ତ୍ରୀ ମରାଠୀବାସୀଙ୍କୁ ଶୁଭେଚ୍ଛା ଜଣାଇଛନ୍ତି।