ପ୍ରତ୍ୟେହ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହୋଇଥାଏ। ସେଥିରୁ କେତେକ ହାସ୍ୟାସ୍ପଦ ହୋଇଥିବାବେଳେ କେତେକ ଚକିତ କରିଥାଏ। କିଛି ଉପରେ ବିଶ୍ୱାସ କରିବା କଷ୍ଟକର ହୋଇଯାଏ। ଏହି କ୍ରମରେ ଏପରି ଏକ ଭିଡିଓ ସାମ୍ନାକୁ ଆସିଛି ଯାହାକୁ ଦେଖିବା ପରେ ଆପଣ କିଛି ସମୟ ପାଇଁ ଆଶ୍ଚର୍ଯ୍ୟ ହୋଇଯିବେ। ଭିଡିଓରେ ଏକ ବାଇକ ହଠାତ୍ ଦ୍ରୁତ ବେଗରେ ଯାଇ ଡ୍ରେସ୍ ଦୋକାନ ଭିତରେ ପଶିଥିବା ଦେଖାଯାଉଛି। ପରେ ଯାହା ହେଲା ତାକୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଉଛନ୍ତି।
ଭାଇରାଲ ହେଉଥିବା ଭିଡିଓ ତେଲେଙ୍ଗାନାର। ଖମାମ ଜଲାର ରବିଚେଟ୍ଟୁ ବଜାରର ଏକ ଦୋକାନ ଭିତରେ ହଠାତ ଏକ ବାଇକ୍ ଦ୍ରୁତ ଗତିରେ ପ୍ରବେଶ କରିଥିଲା। ସେତେବେଳେ କିଛି ଲୋକ ଦୋକାନ ଭିତରେ ବସିଥିଲେ। ସେଠାରେ ଥିବା ବାଡରେ ଧକ୍କା ହେବା ପରେ ବାଇକଚାଳକ ଉପରକୁ ଉଠି ତଳେ ପଡିଯାଉଛନ୍ତି। ଦୋକାନ ଭିତରେ ଉପସ୍ଥିତ ଲୋକମାନେ ବାଇକକୁ ଦେଖି ଡରି ଯାଉଛନ୍ତି। କିଛି କ୍ଷଣ ପାଇଁ ଲୋକଙ୍କ ନିଶ୍ୱାସ ଅଟକିଯାଏ। ଭିଡିଓ ଦେଖନ୍ତୁ…
ସିସିଟିଭି କ୍ୟାମେରାରେ କଏଦ ହୋଇଥିବା ଏହି ଘଟଣା ଏବେ ସୋସିଆଲ ମିଡିଆର ବିଭିନ୍ନ ପ୍ଲାଟଫର୍ମରେ ଶେୟାର କରାଯାଉଛି। ଲକ୍ଷ ଲକ୍ଷ ଲୋକ ଭିଡିଓ ଦେଖିଥିବା ବେଳେ ଅନେକ ପ୍ରତିକ୍ରିୟା ଦେଉଛନ୍ତି।