କାଠମାଣ୍ଡୁ, ୧୯।୪: ନେପାଳର ମାଉଣ୍ଟ ଅନ୍ନପୂର୍ଣ୍ଣାରୁ ଓହ୍ଲାଇବା ବେଳେ ସୋମବାର ନିଖୋଜ ଥିବା ଭାରତୀୟ ପର୍ବତାରୋହୀ ବଲଜିତ କୌରଙ୍କୁ ମଙ୍ଗଳବାର ସୁରକ୍ଷିତ ଉଦ୍ଧାର କରାଯାଇଛି। ଏକ ଏରିଅଲ ସର୍ଚ୍ଚ ଟିମ୍ ପକ୍ଷରୁ ସର୍ଚ୍ଚ ଅପରେଶନ୍ କରାଯାଇଥିଲା। ବିନା ସପ୍ଲିମେଣ୍ଟାଲ୍ ଅକ୍ସିଜେନ୍ ବ୍ୟବହାର କରି ବଲଜିତ ୪ ନମ୍ବର କ୍ୟାମ୍ପରୁ ଅନ୍ନପୂର୍ଣ୍ଣା ଗିରିଶୃଙ୍ଗ ଚଢ଼ିଥିଲେ।
ରେଡିଓ ସିଗ୍ନାଲ ଦ୍ୱାରା ମଙ୍ଗଳବାର ସକାଳେ ବଲଜିତ ସାହାଯ୍ୟ ପାଇଁ କହିବା ପରେ ରେସ୍କ୍ୟୁ ଟିମ୍ ତାଙ୍କ ପାଖରେ ପହଞ୍ଚତ୍ଥିଲା। ହିମାଚଳରେ ବଲଜିତଙ୍କ ଘର। ଅନ୍ୟପକ୍ଷେ ସୋମବାର ଆଉଜଣେ ଭାରତୀୟ ପର୍ବତାରୋହୀ ଅନୁରାଗ ମାଲୁ ମାଉଣ୍ଟ ଅନ୍ନପୂର୍ଣ୍ଣାରୁ ଓହ୍ଲାଇବା ସମୟରେ ନିଖୋଜ ହୋଇଯାଇଥିଲେ। ୬ କି.ମି. ଗଭୀର ହିମ ଫାଟରେ ଖସିପଡ଼ିବା ଯୋଗୁ ତାଙ୍କ ମୃତ୍ୟୁ ଘଟିଥିବା ଜଣାପଡ଼ିଛି। ଅନୁରାଗଙ୍କ ଭାଇ ଆଶୀଷ ମାଲୁ ସୋସିଆଲ ମିଡିଆ ପୋଷ୍ଟ ଜରିଆରେ ବହିର୍ବ୍ୟାପାର ମନ୍ତ୍ରୀ ଏସ୍. ଜୟଶଙ୍କର ଏବଂ ନେପାଳରେ ଥିବା ଭାରତୀୟ ରାଷ୍ଟ୍ରଦୂତ ନବୀନ ଶ୍ରୀବାସ୍ତବଙ୍କୁ ସାହାଯ୍ୟ ମାଗିଛନ୍ତି।