ନୂଆଦିଲ୍ଲୀ, ୨୬।୦୬: ନିଟ୍ ମୁଦ୍ଦାକୁ ନେଇ ସାରା ଦେଶରେ ବିରୋଧ କରାଯାଉଥିବା ବେଳେ ବିପକ୍ଷ ଦଳ ମଧ୍ୟ ସରକାରଙ୍କୁ ଛାଡ଼ି ନାହାନ୍ତି । ଉଭୟ ଲୋକ ସଭା ଏବଂ ରାଜ୍ୟ ସଭାରେ ହଟ୍ଟଗୋଳ କରିଛନ୍ତି ବିରୋଧୀ । ଏହାରି ମଧ୍ୟରେ କଂଗ୍ରେସ ଦଳର ରାଜ୍ୟସଭା ଏମ୍ପି ଫୁଲୋ ଦେବୀ ନେତାମ ଗୃହରେ ବିରୋଧ ପ୍ରଦର୍ଶନ କରୁଥିବା ସମୟରେ ମୁଣ୍ଡ ବୁଲାଇବାରୁ ତଳେ ପଡ଼ିଯାଇଥିଲେ । ପରେ ତାଙ୍କୁ ସଂସଦର ଆମ଼୍ବୁଲାନ୍ସରେ ଡାକ୍ତରଖାନା ନିଆଯାଇଥିଲା । ତାଙ୍କୁ ଆର୍ଏମ୍ଏଲ୍ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଫୁଲୋ ଦେବୀ ନେତାମ ଅସୁସ୍ଥ ହୋଇପଡ଼ିବା ପରେ ବିପକ୍ଷ ଦଳ ପ୍ରତିକ୍ରିୟା ରଖିଛନ୍ତି । କଂଗ୍ରେସ ଏମ୍ପି ପ୍ରମୋଦ ତିୱାରୀ ଏନେଇ କହିଛନ୍ତି ଯେ, ଏହି ସରକାରଙ୍କ ଭିତରେ ମନୁଷ୍ୟତା ଏବଂ ଶାଳୀନତା ନାହିଁ । ଆମର ଜଣେ ସହଯୋଗୀ ବେହୋଶ ହୋଇଗଲେ ଏବଂ ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲ୍ ନିଆଗଲା । ଆମେ ତାଙ୍କୁ ସେଠାରେ ଭେଟିବାକୁ ଯାଉଛୁ ।