ଭଦ୍ରକ ଅଫିସ, ୨।୧: ଭଦ୍ରକ ପୋଲିସ ମୁଖ୍ୟାଳୟରେ ଏଏସ୍ଆଇ ଭାବେ ଏମ୍ପି ମଞ୍ଜୁଲତା ମଣ୍ଡଳଙ୍କ ପିଏସ୍ଓ ଅଶୋକ କୁମାର ବେହେରା ଶୁକ୍ରବାର କାର୍ଯ୍ୟରେ ଯୋଗ ଦେଇଛନ୍ତି। ୧୮ ବର୍ଷ ବୟସରେ ୨୦୦୨ ବ୍ୟାଚ୍ରେ ଏପିଆର୍ କନଷ୍ଟେବଲ ଭାବେ ଯୋଗଦାନ କରିଥିବା ଆଶୋକ ପରବର୍ତ୍ତୀ ସମୟରେ ମାଓ ଦମନ ନିମନ୍ତେ ଉଦ୍ଦିଷ୍ଟ ଏସ୍ଓଜି କମାଣ୍ଡୋ ବାହିନୀରେ ଯୋଗଦେଇ ସଫଳତା ପୂର୍ବକ କାର୍ଯ୍ୟ କରିଥିଲେ। ଏମ୍ପିଙ୍କ ପିଏସ୍ଓ ଭାବେ ବର୍ତ୍ତମାନ କାର୍ଯ୍ୟରତ ଥାଇ ଚଳିତବର୍ଷ ଆସିଷ୍ଟାଣ୍ଟ ସବ୍ଇନ୍ସପେକ୍ଟର ପରୀକ୍ଷାରେ ସର୍ବାଧିକ ନମ୍ବର ରଖି ଭଦ୍ରକ ଜିଲାରେ ପ୍ରଥମ ଓ ରାଜ୍ୟରେ ଦ୍ୱିତୀୟ ସ୍ଥାନ ଅଧିକାର କରିଥିଲେ।