ମୁମ୍ବାଇ,୬ା୪: ଭାରତୀୟ ଦଳର ଲିଜେଣ୍ଡ ବ୍ୟାଟର ମହେନ୍ଦ୍ର ସିଂହ ଧୋନୀ ତାଙ୍କର ଅବସର ସମ୍ପର୍କରେ ଚାଲିଥିବା ଗୁଜବ ଉପରେ ନିଜର ମୁହଁ ଖୋଲିଛନ୍ତି। ନିକଟରେ ଏକ ପଡକାଷ୍ଟରେ ଯୋଗଦେଇ ଧୋନୀ ଏହି ବିଷୟରେ ନିଜର ନିଷ୍ପତ୍ତି ଉପରେ ଖୋଲି ଆଲୋଚନା କରିଥିଲେ। ଶନିବାର ଦିଲ୍ଲୀ ବିପକ୍ଷ ମୁକାବିଲାରେ ଧୋନୀଙ୍କ ବାପା ଏବଂ ମା’ ଚିପକ୍ ଷ୍ଟାଡିୟମରେ ଉପସ୍ଥିତ ଥିଲେ, ଯାହାପରେ ଗୁଜବ ଆରମ୍ଭ ହୋଇଯାଇଥିଲା ଯେ, ଧୋନୀ ଚଳିତ ସିଜିନ୍ ପରେ ଅବସର ନେଇପାରନ୍ତି।
ସେହିପରି କିଛି ଦର୍ଶକ ଏହା ମଧ୍ୟ ଲକ୍ଷ୍ୟ କରିଥିଲେ ଯେ, ଧୋନୀଙ୍କ ସ୍ତ୍ରୀ’ ଝିଅ ଜିଭାଙ୍କୁ ‘ଶେଷ ମ୍ୟାଚ୍’ ବୋଲି କହୁଥିଲେ, ଯାହା ଅବସର ଗୁଜବକୁ ଆହୁରି ତୀବ୍ର କରିଥିଲା। କିନ୍ତୁ ରାଜ ଶମାନିଙ୍କ ପଡକାଷ୍ଟରେ ଧୋନୀ ତାଙ୍କର ପ୍ରଶଂସକମାନଙ୍କୁ ଏହା ନିଶ୍ଚିତ କରିଥିଲେ ନିଶ୍ଚିତ କରିଥିଲେ ଯେ, ଚଳିତ ସିଜିନ୍ ଶେଷରେ ସେ ଅବସର ନେଉ ନାହାନ୍ତି।
ଧୋନି ପ୍ରକାଶ କରିଛନ୍ତି ଯେ, ସେ ତାଙ୍କ ଶରୀରକୁ ୮ ମାସ ଦେବେ ଯେ ସେ ୪୪ ବର୍ଷ ବୟସରେ ଖେଳିପାରିବେ କି ନାହିଁ। ଯଦି ସିଜିନ୍ ଆରମ୍ଭ ସୁଦ୍ଧା ତାଙ୍କ ଶରୀର ଯଥେଷ୍ଟ ଭଲ ଦେଖାଯାଏ, ତେବେ ସେ ପ୍ରତିଯୋଗିତାରୁ ବିଦାୟ ନେବା ପାଇଁ ନିଷ୍ପତ୍ତି ନେବା ପର୍ଯ୍ୟନ୍ତ ସେ ଗୋଟିଏ ବର୍ଷ ଯୋଡ଼ିବେ।
“ନା, ଏବେ ନୁହେଁ। ମୁଁ ଏବେ ବି IPL ଖେଳୁଛି। ମୁଁ ଏହାକୁ ବହୁତ ସରଳ ରଖିଛି, ମୁଁ ଏଥିରେ ଆଉ ଗୋଟିଏ ବର୍ଷ ଯୋଡିବି, ମୁଁ ବର୍ତମାନ ୪୩ ବର୍ଷ ବୟସର, ଯେତେବେଳେ IPL ୨୦୨୫ ଶେଷ ହେବ, ମୁଁ ୪୪ ବର୍ଷ ହେବି, ତେଣୁ ତା’ପରେ ମୁଁ ଖେଳିବି କି ନାହିଁ ତାହା ନିଷ୍ପତ୍ତି ନେବା ପାଇଁ ମୋର ୧୦ମାସ ଅଛି। କିନ୍ତୁ ଏହା ମୁଁ ଏହି ନିଷ୍ପତ୍ତି ନେଉନାହିଁ, ଏହା ମୋର ଶରୀର ନିଷ୍ପତ୍ତି ନେଉଛି। ତେଣୁ, ଗୋଟିଏ ବର୍ଷ ପରେ, ଏ ବିଷୟରେ ନିଷ୍ପତ୍ତି ନେବୁ” ବୋଲି ଏମଏସ ଧୋନି ପଡକାଷ୍ଟରେ କହିଥିଲେ।
