ୟୁଏଇରେ ଖେଳାଯାଇଥିବା ଆଇପିଏଲ୍ ୧୩ତମ ସିଜିନ ପରଠାରୁ ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀ ପ୍ରତିଯୋଗିତାମୂଳକ କ୍ରିକେଟଠାରୁ ଦୂରରେ ରହିଛନ୍ତି। ନିକଟରେ ତାଙ୍କୁ ମୁମ୍ବାଇରେ ଦେଖିବାକୁ ମିଳିଥିଲା। ଏଠାରେ ସେ ଏକ ବିଜ୍ଞାପନର ଶୁଟିଂ ପାଇଁ ପହଞ୍ଚିଥିଲେ। ଖେଳଠାରୁ ଦୂରରେ ଥିବାରୁ ଧୋନୀ ସର୍ବସାଧାରଣରେ ଅଧିକ ଦେଖାଯାନ୍ତି ନାହିଁ। ତଥାପି, ତାଙ୍କ ପ୍ରଶଂସକମାନେ ତାଙ୍କ ବିଷୟରେ ଜାଣିବାକୁ ସର୍ବଦା ଚେଷ୍ଟା କରନ୍ତି। ଏଥର ମାହିଙ୍କୁ ଏକ ନୂଆ ଲୁକ୍ରେ ଦେଖିବାକୁ ମିଳିଛି। ଧୋନୀ ଏକ ନୂଆ ଲୁକ ସହିତ ବାହାରକୁ ଆସିଛନ୍ତି, ଯାହାକୁ ଦେଖି ତାଙ୍କ ପ୍ରଶଂସକମାନେ ବହୁତ ଆଶ୍ଚର୍ଯ୍ୟ ହୋଇଯାଇଛନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା ଫଟୋରେ ଧୋନୀ ସମ୍ପୂର୍ଣ୍ଣ ଭିନ୍ନ ଦେଖାଯାଉଛନ୍ତି। ସେ ତାଙ୍କର ଧଳା ଦାଢି ସଫା କରିଥିବାବେଳେ ହେୟାର ଷ୍ଟାଇଲକୁ ମଧ୍ୟ ବଦଳାଇ ଦେଇଛନ୍ତି। ସୂଚନାଯୋଗ୍ୟ, ଚଳିତବର୍ଷ ଆଇପିଏଲ୍ରେ ଧୋନୀ ଚେନ୍ନାଇ ସୁପର୍ କିଙ୍ଗ୍ସର ନେତୃତ୍ୱ ନେବେ।