ନୂଆଦିଲ୍ଲୀ,୧୦।୧୨: ଆଇପିଏଲ୍ ଇତିହାସରେ ସବୁଠାରୁ ଅଧିକ ପାଉଣା ପାଇଥିବା ଖେଳାଳିଙ୍କ ତାଲିକା ଶୀର୍ଷରେ ଅଛନ୍ତି ଚେନ୍ନାଇ ସୁପରକିଙ୍ଗ୍ସର ଅଧିନାୟକ ମହେନ୍ଦ୍ର ସିଂହ ଧୋନୀ। ସେ ବିସିସିଆଇର କେନ୍ଦ୍ରୀୟ ଚୁକ୍ତି ତାଲିକାରେ ଶୀର୍ଷରେ ରହିଆସୁଥିଲେ। ଏବେ ଆଇପିଏଲ୍ରେ ମଧ୍ୟ ପ୍ରଥମ ନାମ ଧୋନୀଙ୍କ ରହିଛି।
୨୦୦୭ରେ ଭାରତୀୟ ଟିମ୍ ଟି୨୦ ବିଶ୍ୱକପ୍ ଜିତିଥିଲା। ଏହାର କିଛି ମାସ ପରେ ଖେଳାଯାଇଥିବା ଆଇପିଏଲ୍ ୨୦୦୮ରେ ସବୁଠାରୁ ଅଧିକ ଦାମ(୧୧ କୋଟି ଟଙ୍କା)ଦେଇ ଧୋନୀଙ୍କୁ କିଣିଥିଲା ସିଏସ୍କେ। ଆଇପିଏଲ୍ରେ ଏଯାବତ ସେ ମୋଟ ୧୩୭ କୋଟି ଟଙ୍କା ପାଉଣା ପାଇଛନ୍ତି।
ରିପୋର୍ଟ ମୁତାବକ ଧୋନୀ ଆଇପିଏଲ୍ର ୨୦୦୯ ଏବଂ ୨୦୧୦ରେ ୨୦୦୮ ସହ ସମାନ ପାଉଣା ପାଇଥିଲେ। ଏହାପରେ ୨୦୧୧ରୁ ୨୦୧୩ ପର୍ଯ୍ୟନ୍ତ ସେ ୮.୨ କୋଟି ଟଙ୍କା ନେଇଥିଲେ। ୨୦୧୪ ଓ ୧୫ରେ ୧୨.୫ କୋଟି ଟଙ୍କା ତାଙ୍କୁ ମିଳିଥିବା ବେଳେ ୨୦୧୮ରେ ୧୫ କୋଟି ଟଙ୍କା ମିଳୁଛି। ଏହିଭଳି ଭାବେ ୧୩ ସିଜନରେ ତାଙ୍କୁ ୧୩୭ କୋଟି ଟଙ୍କା ମିଳିଛି। ଧୋନୀଙ୍କ ପରେ ଦ୍ୱିତୀୟ ସ୍ଥାନରେ ରୋହିତ ଶର୍ମା, ତୃତୀୟରେ ବିରାଟ କୋହଲୀ ଅଛନ୍ତି। ରୋହିତଙ୍କୁ ମୋଟ ୧୩୧ କୋଟି ଟଙ୍କା ମିଳିଥିବା ବେଳେ ବିରାଟଙ୍କୁ ୧୨୬ କୋଟି ମିଳିଛି।
