ଭାରତକୁ ଦୁଇ ଦୁଇଥର ବିଶ୍ୱକପ୍ ବିଜୟୀ କରାଇଥିବା ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଶେଷରେ ଅବସର ନେଇଛନ୍ତି। ଅଗଷ୍ଟ ୧୫ ଦିନ ସନ୍ଧ୍ୟା ୭.୨୦ରେ ସନ୍ନ୍ୟାସ ଘୋଷଣା କରି ସମସ୍ତଙ୍କୁ ଚକିତ କରିଦେଇଛନ୍ତି। ଏହାର କିଛି ସମୟ ପରେ ଭାରତୀୟ ଦଳର ଅନ୍ୟତମ ଖେଳାଳି ସୁରେଶ ରାଇନା ମଧ୍ୟ ଅବସର ଘୋଷଣା କରିଥିଲେ। ଉଭୟ ଏକାଠି ଆଇପିଏଲ୍ରେ ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ଖେଳୁଥିବାରୁ ସନ୍ନ୍ୟାସ ଘୋଷଣା ପରେ ପରସ୍ପରକୁ ଆଲିଙ୍ଗନ କରିଥିଲେ। ପରେ ଧୋନୀ ଭୋ ଭୋ ହୋଇ କାନ୍ଦିଥିଲେ ବୋଲି ଜଣାପଡିଛି। ସେଦିନ ରାତିରେ ପାର୍ଟି ମଧ୍ୟ କରିଥିଲେ। ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ଏକ ଭିଡିଓ ଶେୟାର କରାଯାଇଥିଲା। ଧୋନୀଙ୍କ ସ୍ତ୍ରୀ ସାକ୍ଷୀ ମଧ୍ୟ ଇନଷ୍ଟାଗ୍ରାମରେ ଏକ ଫଟୋ ଶେୟାର କରି କହିଛନ୍ତି, ଜାଣିଛି ଅଲବିଦା କହିବାବେଳେ ନିଜ ଲୁହକୁ ଚାପି ରଖିଥିବ ନିଶ୍ଚୟ। ସୂଚନାଯୋଗ୍ୟ, ଧୋନୀ ଅବସର ପରେ ମଧ୍ୟ ଚେନ୍ନାଇ ପାଇଁ ଆଇପିଏଲ୍ ଖେଳିବା ଜାରି ରଖିବେ।