ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ କ୍ରିକେଟକୁ ଅଲବିଦା କହିଛନ୍ତି। ସ୍ବାଧୀନତା ଦିବସରେ ଇନ୍ଷ୍ଟାଗ୍ରାମରେ ଏକ ଭିଡିଓ ଶେୟାର କରି ଅବସର ଘୋଷଣା କରିବା ପରେ ସମସ୍ତେ ଚକିତ ହୋଇଯାଇଛନ୍ତି। ଫଳରେ ତାଙ୍କ ଭବିଷ୍ୟତକୁ ନେଇ ସମସ୍ତ କଳ୍ପନାଜଳ୍ପନା ଶେଷ ହୋଇଛି। ଏସବୁ ଭିତରେ ଧୋନୀଙ୍କ ଘରକୁ ଏକ ନୂଆ ଅତିଥି ଆସିଛି। ଯାହାର ଫଟୋ ସ୍ତ୍ରୀ ସାକ୍ଷୀ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଏହାସହ ଲେଖିଛନ୍ତି, ଏହି ସମୟରେ ମାହିଙ୍କୁ ବେଶୀ ମିସ୍ କରୁଛୁ। ସମସ୍ତେ ଜାଣନ୍ତି ମାହି ବହୁତ୍ ଗାଡି ପ୍ରିୟ। ନୂଆ ନୂଆ ଗାଡି କିଣିବା ତାଙ୍କର ଭାରି ସଉକ। ଧୋନୀ ନୂଆ କଲେକସନ୍ କାର୍ କିଣିଥାନ୍ତି, ଏଥର ସେ vintage pontiac fir bird trans am କାର୍ କିଣିଛନ୍ତି। ସାକ୍ଷୀ ଗାଡିର ଏକ ଭିଡିଓ ଶେୟାର କରିଛନ୍ତି। ଏକହି କାର୍ରର ମୂଲ୍ୟ ପାଖାପାଖି ୬୮.୩୧ ଲକ୍ଷ ଟଙ୍କା ହେବ। ଗତ ବର୍ଷ ନଭେମ୍ବରରେ ମୁମ୍ବାଇରେ ଏହାର ନିଲାମ ରଖାଯାଇଥିଲା।
