ନୂଆଦିଲ୍ଲୀ,୧।୨୧: ମହେନ୍ଦ୍ର ସିଂ ଧୋନୀଙ୍କ ଅଧିନାୟକତ୍ୱରେ ୨୮ ବର୍ଷ ପରେ ବିଶ୍ୱକପ୍ ଜିତିଥିଲା ଭାରତୀୟ ଟିମ୍। ଏହି ବିଜୟରେ ପ୍ରମୁଖ ଭୂମିକା ତୁଲାଇଥିଲେ ବ୍ୟାଟ୍ସମ୍ୟାନ୍ ଯୁବରାଜ ସିଂହ। ତାଙ୍କୁ ପ୍ଲେୟର ଅଫ୍ ଦ ଟୁର୍ନାମେଣ୍ଟ ମଧ୍ୟ ଚୟନ କରାଯାଇଥିଲା। ଏହା ପରେ ଯୁବରାଜଙ୍କୁ କର୍କଟ ହୋଇଥିବା ଜଣାପଡ଼ିଥିଲା। ହେଲେ ଯୁବରାଜଙ୍କ ପୂର୍ବରୁ ଅନ୍ୟ ଜଣେ ଖେଳାଳି ଏ ବିଷୟରେ ଜାଣିଥିଲେ। ସେ ଥିଲେ ଧୋନୀ। ଯୁବରାଜଙ୍କ ଆତ୍ମଜୀବନୀ ‘ଦ ଟେଷ୍ଟ ଅଫ୍ ମାଇଁ ଲାଇଫ’ର ଉନ୍ମୋଚନ ଅବସରରେ ଧୋନୀ ଏହା କହି ସେଠାରେ ଉପସ୍ଥିତ ଅନେକଙ୍କୁ ଚମକାଇ ଦେଇଥିଲେ।
ଯୁବରାଜଙ୍କ ପୂର୍ବରୁ ଧୋନୀ ତାଙ୍କର କ୍ୟାନ୍ସର ରିପୋର୍ଟ ପଢ଼ିଥିଲେ। ଏହା ଧୋନୀଙ୍କ ପାଇଁ ମସ୍ତବଡ଼ ଧକ୍କା ଥିଲା। ଯୁବରାଜଙ୍କୁ ଏଭଳି ରୋଗ ହେବା ସତ ନା ମିଛ ସେ ବାରମ୍ବାର ପଚାରୁଥିଲେ। ହେଲେ ରିପୋର୍ଟ ବିଷୟରେ କହିଥିବା ବ୍ୟକ୍ତି ହଁ ଭରିଥିଲେ। ସେତେବେଳେ ସେ ଭାବିଥିଲେ ଯୁବରାଜଙ୍କୁ ଏ ବିଷୟ ଜଣାଅଛି। ସେ ଜଣେ ମଜଭୂତ ମଣିଷ ବୋଲି ଭାବୁଥିଲେ ହେଁ ଧୋନୀ ସହଜରେ ଏହାକୁ ଗ୍ରହଣ କରିପାରି ନ ଥିଲେ। ଅନେକ ସମୟ ପର୍ଯ୍ୟନ୍ତ ମନର ଦୁଃଖକୁ ନିଜ ଭିତରେ ଲୁଚାଇବାର ପ୍ରୟାସ କରିଆସୁଥିବା ଧୋନୀ ନିଜେ ସ୍ବୀକାର କରିଛନ୍ତି।
ଏହାଛଡ଼ା ଧୋନୀ ଯୁବରାଜଙ୍କ କଥା ଶୁଣି ଡରି ଯାଉଥିଲେ। ଯୁବରାଜ ରାଗି କରି କଥା କହୁଥିବା ସେ ଭାବୁଥିଲେ। ଏକଦା ୟୁଭି ରାଗିଥିବା ବେଳେ ଧୋନୀ ତାଙ୍କୁ ଏକ ପ୍ରଶ୍ନ କରିଥିଲେ। ଯେତେବେଳେ ସେ ରାଗନ୍ତି, କ’ଣ ସତରେ ରାଗନ୍ତି ବୋଲି ସେ ପଚାରିଥିଲେ। ଏହାର ଜବାବରେ ଯୁବରାଜ ମଜାଳିଆ ଉତ୍ତର ଦେଇଥିଲେ। ଏ ବିହାରୀ, ଏମିତି ମୁଁ ମଜା କରେ। ଏହାକୁ ଗମ୍ଭୀରତା ସହ ନେବ ନାହିଁ ବୋଲି କହିଥିଲେ। ଏଭଳି ଉତ୍ତର ପାଇବା ପରେ ଜୀବନରେ ଆଉ କେବେ ସତ ସତିକା ରାଗିଲେ ମଧ୍ୟ ସେ ଗମ୍ଭୀରତା ସହ ନେବେ ନାହିଁ ବୋଲି ଧୋନୀ କହିଥିଲେ।