ବାଙ୍ଗାଲୁରୁ,୨୮।୧୦: ପୂର୍ବ ଭାରତୀୟ ଅଧିନାୟକ ମହେନ୍ଦ୍ର ସିଂହ ଧୋନୀ ଅନ୍ତର୍ଜାତୀୟ କ୍ରିକେଟରୁ ସନ୍ନ୍ୟାସ ନେବା ନିଷ୍ପତ୍ତି ନେଇ ପ୍ରଶଂସକଙ୍କୁ ଚମକାଇଥିଲେ। ୨୦୧୯ ବିଶ୍ୱକପ୍ ସେମିଫାଇନାଲରେ ନ୍ୟୁଜିଲାଣ୍ଡଠାରୁ ଭାରତ ପରାଜିତ ହୋଇଥିଲା। ଏହାପରେ ସେ ସନ୍ନ୍ୟାସ ନେବାର ସମୟ ଆସିଯାଇଥିବା ଅନୁଭବ କରିଥିଲେ। ଦୀର୍ଘ ୧୩ ମାସ ଧରି କ୍ରିକେଟଠାରୁ ଦୂରରେ ରହିବା ପରେ ୨୦୨୦ ଅଗଷ୍ଟ ୧୫ରେ ସନ୍ନ୍ୟାସ ଘୋଷଣା କରିଥିଲେ ବୋଲି ଧୋନୀ କହିଛନ୍ତି।
ବାଙ୍ଗାଲୋରରେ ଆୟୋଜିତ ଏକ କାର୍ଯ୍ୟକ୍ରମରେ ଧୋନୀ କହିଛନ୍ତି, ‘ଭାରତ ସେମିଫାଇନାଲ ଦୌଡ଼ରୁ ବାଦ୍ ପଡ଼ିଥିଲା। ତାହା ଭାରତ ଲାଗି ତାଙ୍କର ଅନ୍ତିମ ମ୍ୟାଚ୍ ଥିଲା ବୋଲି ସେ ନିଷ୍ପତ୍ତି ନେଇଥିଲେ। କାରଣ କୌଣସି ଜିତିବା ମ୍ୟାଚ୍ ହାରିଗଲେ ଭାବନାକୁ ନିୟନ୍ତ୍ରଣ କରିବା କଷ୍ଟକର ହୋଇଯାଏ। ତାଙ୍କ ପାଇଁ ଉକ୍ତ ଦିନ ଅନ୍ତିମ ଦିନ ଥିଲା। ଏହାର ୧ ବର୍ଷ ପରେ ସେ ସନ୍ନ୍ୟାସ ନେଇଥିଲେ ସତ ହେଲେ ଉକ୍ତ ଦିନ ହିଁ ସେବାନିବୃତ ହୋଇଥିଲେ।’
ପ୍ରକାଶ ଯେ, ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ ହେଁ ଧୋନୀ ଚେନ୍ନାଇ ସୁପର କିଙ୍ଗ୍ସ ଲାଗି ଜଣେ ସକ୍ରିୟ ଖେଳାଳି ଭାବେ ଦାୟିତ୍ୱ ତୁଲାଉଛନ୍ତି। ୨୦୨୩ରେ ସେ ନିଜ ଦଳକୁ ୫ମ ଟାଇଟଲ ଦେବାରେ ସକ୍ଷମ ହୋଇଥିଲେ।