ନୂଆଦିଲ୍ଲୀ,୧।୧୦: ଭାରତର ମହାନ ଅଧିନାୟକ ତଥା ଉଇକେଟ କିପର-ବ୍ୟାଟ୍ସମ୍ୟାନ ଏମଏସ ଧୋନୀ ଟେନିସ କୋର୍ଟରେ ନିଜର ଚମତ୍କାର ପ୍ରଦର୍ଶନ କରିଛନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ଧୋନି ଟେନିସ ଖେଳୁଥିବା ଦେଖିବାକୁ ମିଳିଛି। ତାଙ୍କର ପ୍ରଶଂସକମାନେ ଏହି ଭିଡିଓକୁ ବହୁତ ପସନ୍ଦ କରୁଛନ୍ତି। କିଛି ପ୍ରଶଂସକ ଧୋନୀଙ୍କ ଟେନିସ ଖେଳିବାର ଶୈଳୀକୁ ପ୍ରଶଂସା କରିଛନ୍ତି। କିଛି ପ୍ରଶଂସକ ତାଙ୍କ ଫିଟନେସକୁ ପ୍ରଶଂସା କରିଥିଲେ।
ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ ତାଙ୍କର ଆଇପିଏଲ କ୍ୟାରିୟର ମଧ୍ୟ ଶେଷ ପର୍ଯ୍ୟାୟରେ ଅଛି, କିନ୍ତୁ ସେ ଟେନିସକୁ ମଧ୍ୟ ବହୁତ ପସନ୍ଦ କରନ୍ତି ଏବଂ ମନୋରଞ୍ଜନ ପାଇଁ ଏହି ଖେଳ ଖେଳୁଛନ୍ତି।