ଭାରତୀୟ କ୍ରିକେଟ ଦଳର ଅଧିନାୟକ ମହେନ୍ଦ୍ର ସିଂହ ଧୋନୀ ଯଦିଓ ଅନ୍ତର୍ଜାତୀୟ କ୍ରିକେଟରୁ ଅବସର ନେଇ ସାରିଛନ୍ତି, କିନ୍ତୁ ଏବେ ବି ତାଙ୍କ ନାମ ଚର୍ଚ୍ଚାରେ ରହିଛି। ଏବେ ଧୋନୀ ପରିବାର ଓ ନିଜ ବ୍ୟବସାୟ ଉପରେ ପୁରା ଧ୍ୟାନ ଦେଉଛନ୍ତି। ନିକଟରେ ସେ ଦୁଗ୍ଧ ଓ ପରିବା ଚାଷ ଆରମ୍ଭ କରିଛନ୍ତି। ଧୋନୀ ରାଞ୍ଚିର ଧୁର୍ବାସ୍ଥିତ ସେମ୍ବୋରେ ୫୫ ଏକର ଜମି ଏହି ଚାଷ କରୁଛନ୍ତି। ଏଥିପାଇଁ ସେ ମଧ୍ୟପ୍ରଦେଶରୁ ୨ ହଜାର କଡକନାଥ(କୁକୁଡା) ଛୁଆ ମଗାଇଥିଲେ। ବର୍ତ୍ତମାନ ଧୋନୀ ପରିବା ସାଙ୍ଗକୁ କୁକୁଡା ଫାର୍ମ ଓ ଦୁଗ୍ଧ ଚାଷ ଆରମ୍ଭ କରିଛନ୍ତି। ଧୋନିଙ୍କ ଫାର୍ମହାଉସରେ ବିଭିନ୍ନ ପ୍ରକାରର ପନିପରିବା ମଧ୍ୟ ଉତ୍ପାଦନ ହେଉଛି। ତାଙ୍କ ଫାର୍ମ ହାଉସରେ ଟମାଟର, ଫୁଲକୋବି, ପତ୍ରକୋବି, ବ୍ରୋକଲି ଚାଷ ହେଉଛି। ତାଙ୍କ ବଗିଚାରୁ ପ୍ରତିଦିନ ୮୦ କେଜି ଟମାଟର ବଜାରକୁ ବିକ୍ରି ପାଇଁ ପଠାଯାଉଛି। ବଜାରରେ ଏହି ପରିବାର ଚାହିଦା ମଧ୍ୟ ବହୁତ ଅଧିକ । ଆଗାମୀ କିଛିଦିନ ମଧ୍ୟରେ ଫୁଲ କୋବି, ପତ୍ରକୋବି ଏବଂ ବ୍ରୋକଲି ମଧ୍ୟ ବଜାରରେ ବିକ୍ରି ହେବ। ବର୍ତ୍ତମାନ ଧୋନୀଙ୍କ ଫାର୍ମରେ ଟମାଟର କିଲୋପିଛା ଦାମ୍ ୪୦ଟଙ୍କା ରହିଛି। ଏଠାରେ ଗାଈ କ୍ଷୀର ମଧ୍ୟ ଉତ୍ପାଦନ ହେଉଛି। ଧୋନୀଙ୍କ ଗୋଶାଳାରେ ୭୦ଟି ଗାଈ ରହିଛି। ପ୍ରତିଦିନ ୩୦୦ ଲିଟର କ୍ଷୀର ବାହାରିଥାଏ। ବଜାରରେ ଏହି କ୍ଷୀରର ଲିଟର ପିଛା ମୂଲ୍ୟ ୫୫ ଟଙ୍କା। ପରିବା ଏବଂ କ୍ଷୀର ବିକ୍ରି ହେବା ପରେ ଯେଉଁ ଟଙ୍କା ଆସୁଛୁ ତାହା ଧୋନୀଙ୍କ ବ୍ୟାଙ୍କ ଆକାଉଣ୍ଟକୁ ଯାଉଛି।
