କିମ୍ବଦନ୍ତୀ ଉଇକେଟ କିପର ବ୍ୟାଟ୍ସମ୍ୟାନ ଏମ.ଏସ ଧୋନୀ ଆଜି ତାଙ୍କର ୩୯ତମ ଜନ୍ମଦିନ ପାଳନ କରୁଛନ୍ତି। ଚେନ୍ନାଇ ସୁପର କିଙ୍ଗ୍ସରେ ଧୋନୀଙ୍କ ସାଥୀ ଡ୍ବେନ ବ୍ରାଭୋ ତାଙ୍କ ଜନ୍ମଦିନରେ ଏକ ଗୀତ ରିଲିଜ କରି ଉପହାର ଦେଇଥିବାବେଳେ ସୁରେଶ ରାଇନା ଏକ ଭିଡିଓ ଶେୟାର କରି ଜନ୍ମଦିନ ଶୁଭେଚ୍ଛା ଜଣାଇଛନ୍ତି। ଧୋନୀଙ୍କ ସହ ରାଇନା କେତେ ଘନିଷ୍ଠ ତାହା ସମସ୍ତେ ଜାଣିଛନ୍ତି। ମେଲବର୍ଣ୍ଣ ଗ୍ରାଉଣ୍ଡରେ ଖେଳାଯାଇଥିବା ବର୍ଡର ଗାଭାସ୍କର ସିରିଜର ତୃତୀୟ ମ୍ୟାଚ ଶେଷ ହେବା ମାତ୍ରେ ଧୋନୀ ସାରା ବିଶ୍ୱକୁ ଚକିତ କରିଦେଇଥିଲେ। ୨୦୧୪ରେ ଡିସେମ୍ବର ୩୦ରେ ମେଲବୋର୍ଣ୍ଣ ଟେଷ୍ଟ ପରେ କାହାକୁ ନ ଜଣାଇ ଟେଷ୍ଟ କ୍ରିକେଟରୁ ଅବସର ଘୋଷଣା କରିଥିଲେ। ଧୋନୀ ଶେଷ ଟେଷ୍ଟରେ ଅଷ୍ଟ୍ରେଲିଆ ବିପକ୍ଷରେ ୧୧ ଓ ୨୪ ସ୍କୋର କରିଥିଲେ। ଧୋନୀ ଯେତେବେଳେ ପାଭିଲିୟନକୁ ଫେରୁଥିଲେ ସେତେବେଳେ ସେ ବହୁତ ଖୁସି ଥିଲେ, ସାଧାରଣ ଖେଳାଳିଙ୍କ ପରି ସମସ୍ତ ଖେଳାଳିଙ୍କ ସହ ଡ୍ରେସିଂ ରୁମ୍କୁ ଫେରିଥିଲେ। ଧୋନୀ ଆଜି ଟେଷ୍ଟ କ୍ରିକେଟକୁ ବିଦାୟ ଦେବାକୁ ଯାଉଛନ୍ତି ବୋଲି କେହି ଜାଣି ନ ଥିଲେ। ଧୋନୀ ଡ୍ରେସିଂ ରୁମକୁ ଫେରି ନିକଟସ୍ଥ ସମସ୍ତ ଖେଳାଳିଙ୍କୁ ଡାକି ହଠାତ୍ ତାଙ୍କ ଅବସର ବିଷୟରେ କହିଥିଲେ। ଧୋନୀଙ୍କ ଅବସର ନେବାକୁ ନିଷ୍ପତ୍ତି ସମସ୍ତ ଖେଳାଳିଙ୍କୁ ଆଶ୍ଚର୍ଯ୍ୟ କରିଥିଲା। ଧୋନୀଙ୍କ ଅବସର ପରେ ରାଇନା କହିଥିଲେ ଯେ, ତାଙ୍କର ଅବସର କାହାକୁ ଜଣା ନ ଥିଲା। ସେଦିନ ଡାଇନିଂ ଟେବୁଲରେ ବସି ଖାଉଥିବାବେଳେ ସେ ମୋ ପାଖକୁ ଆସି କହିଥିଲେ, ମୋର ଜର୍ସିକୁ, ତୁମେ ଏହାକୁ ରଖ। ସେ ଜଳଖିଆ ଖାଉଥିଲେ ଏବଂ କାହା ସହିତ କଥାବାର୍ତ୍ତା କରୁ ନ ଥିଲେ। ମୁଁ ସେଦିନ ଭାବିଥିଲି ଆଜି ସାରେ କିଛି ବଡ ଘଟଣା ଘଟିବ।
