ସାଧାରଣତଃ ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କୁ କୁଲ୍ କ୍ୟାପ୍ଟେନ୍ ବୋଲି କୁହାଯାଏ। ସବୁ ପରିସ୍ଥିତିରେ ସେ ନିଜକୁ ନିୟନ୍ତ୍ରଣରେ ରଖିଥାନ୍ତି। ସେ ପଡିଆରେ ରାଗିବା କୁଚିତ୍ ଦେଖାଯାଏ। ନିକଟରେ ଧୋନୀ ରାଗିଥିବା ଏକ ଭିଡିଓ ଭାଇରାଲ ହେଉଛି। ରାଜସ୍ଥାନ ରୟାଲ୍ସ ବିପକ୍ଷରେ ଖେଳାଯାଇଥିବା ଆଇପିଏଲ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସର ଅଧିନାୟକ ମହେନ୍ଦ୍ର ସିଂ ଧୋନୀ ଏବଂ ଅମ୍ପାୟାରଙ୍କ ମଧ୍ୟରେ ବିତର୍କ ହୋଇଥିଲା। ଅନ ଫିଲ୍ଡ ଅମ୍ପାୟାର ତାଙ୍କ ନିଷ୍ପତ୍ତି ବଦଳାଇବା ପରେ ଧୋନୀ ନିରାଶ ହୋଇଥିଲେ। ରାଜସ୍ଥାନ ଇନିଂସର ୧୮ତମ ଓଭରରେ ଟମ କ୍ୟୁରେନଙ୍କୁ ଆଉଟ କରାଯାଇଥିଲା। ଦୀପକ ଚହର ବଲ୍ରେ ଉଇକେଟ୍ କିପର ଧୋନୀଙ୍କ ଦ୍ୱାରା କ୍ୟାଚ୍ ଆଉଟ୍ ହେବାପରେ ଫିଲ୍ଡ ଅମ୍ପାୟାର ସି ଶ୍ୟାମସୁଦ୍ଦିନ ଟମ କ୍ୟୁରେନଙ୍କୁ ଆଉଟ୍ ଘୋଷିତ କରିଥିଲେ। ରାଜସ୍ଥାନର କୌଣସି ରିଭ୍ୟୁ ବାକି ନ ଥିଲା ଏବଂ ବ୍ୟାଟ୍ସମ୍ୟାନ ପାଭିଲିୟନକୁ ଫେରିବା ଆରମ୍ଭ କରିଥିଲେ। ଏହା ପରେ, ଲେଗ ଅମ୍ପାୟାର ବିନୀତ କୁଲକର୍ଣ୍ଣିଙ୍କ ସହ କଥା ହେବା ପରେ ଶ୍ୟାମସୁଦ୍ଦିନ ତାଙ୍କ ଭୁଲକୁ ଅନୁଭବ କରି ତୃତୀୟ ଅମ୍ପାୟାରଙ୍କ ସାହାଯ୍ୟ ମାଗିଥିଲେ। ଏହା ପରେ ଧୋନୀ ନିରାଶ ହୋଇ ଅମ୍ପାୟାରଙ୍କ ସହ କଥା ହେଉଥିବା ଦେଖିବାକୁ ମିଳିଥିଲା। ଟେଲିଭିଜନ ରିପ୍ଲାଏରେ ଜଣାପଡିଥିଲା ଯେ ଧୋନୀଙ୍କ ଗ୍ଲୋଭସ ଭିତରକୁ ଯିବା ପୂର୍ବରୁ ବଲ ତଳେ ମାଡ ହୋଇଥିଲା। ଯାଇଥିଲା। ତୃତୀୟ ଅମ୍ପାୟାର ଅନ ଫିଲ୍ଡ ଅମ୍ପାୟାରଙ୍କ ନିଷ୍ପତ୍ତି ବଦଳାଇ କ୍ୟୁରେନଙ୍କୁ ପୁଣି ପଛରୁ ଡାକିଥିଲେ। ଧୋନୀ ଏଥିରେ ରାଗିଯାଇଥିଲେ। ଧୋନୀଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
