ନୂଆଦିଲ୍ଲୀ,୬।୨: ଦେଶର ପ୍ରମୁଖ ଘରୋଇ ଶିକ୍ଷାନୁଷ୍ଠାନ ତଥା ଲଭଲି ପ୍ରଫେସନାଲ ୟୁନିଭରସିଟି(ଏଲପିୟୁ)ର ସହଯୋଗୀ ଶିକ୍ଷାନୁଷ୍ଠାନ ମିତ୍ତଲ ସ୍କୁଲ ଅଫ୍ ବିଜନେସ୍ (ଏମ୍ଏସ୍ବି)ର ଉତ୍ତମ ପ୍ରଦର୍ଶନ ଜାରି ରହିଛି। ଏପରିକି ନିକଟରେ ପ୍ରକାଶିତ ଇଣ୍ଡିଆନ୍ ଇନ୍ଷ୍ଟିଚ୍ୟୁଶନାଲ୍ ର଼୍ୟାଙ୍କିଙ୍ଗ ଫ୍ରେମୱାର୍କ (ଆଇଆଇଆର୍ଏଫ୍)-୨୦୨୩ରେ ଭଲ ସ୍ଥାନ ପାଇଛି। ବିଶେଷକରି ଏମ୍ଏସ୍ବି ୨୦୨୩ ବର୍ଷରେ ୪୧ତମ ସ୍ଥାନରେ ପହଞ୍ଚତ୍ଛି। ଏପରିକି ଗତ ବର୍ଷ ଅନୁଷ୍ଠାନ ୪୩ ତମ ର଼୍ୟାଙ୍କ୍ରେ ରହିଥିଲା। ସେହିଭଳି ୨୦୨୩ରେ ବିଶ୍ୱବିଦ୍ୟାଳୟ କାର୍ଯ୍ୟକ୍ରମ ଅଧୀନରେ ଶ୍ରେଷ୍ଠ ୪୫ ବିଜ୍ନେସ ସ୍କୁଲ ତାଲିକାରେ ଏଲପିୟୁ-ଏମ୍ଏସ୍ବି ଦେଶର ଉତ୍ତର ଜୋନ୍ ର଼୍ୟାଙ୍କ ୫ ଏବଂ ସାମଗ୍ରିକ ଭାବେ ୨୧ତମ ସ୍ଥାନ ପାଇଛି। ବିଶେଷକରି ଭାରତରେ ୨୦୨୩ ଗବେଷଣା ପାଇଁ ଶ୍ରେଷ୍ଠ ୫୦ ବିଜନେସ ସ୍କୁଲ ର଼୍ୟାଙ୍କିଙ୍ଗରେ ସାମଗ୍ରିକ ୪୮ତମ ଏବଂ ଉତ୍ତର ଜୋନ୍ ପାଇଁ ୧୫ତମ ସ୍ଥାନରେ ରହିଥିବା ଜଣାପଡିଛି। ଏଥିସହ ବିଭିନ୍ନ ପାରାମିଟରରେ ସାମଗ୍ରିକ ୭୨୦.୨୭ ସ୍କୋର ସହ ଏଲପିୟୁ-ଏମ୍ଏସବି ଶ୍ରେଷ୍ଠ ୧୫ ଘରୋଇ ଅନୁଷ୍ଠାନ ଭାବେ ସ୍ବୀକୃତି ପାଇଛି। ଏହି ସ୍କୋରିଂ ସହ ଏହା ଆଇଆଇଏମ୍ ବୋଧ ଗୟା (୭୧୬.୮୬) ସମେତ ଅନେକ ସରକାରୀ ଅନୁଷ୍ଠାନକୁ ମଧ୍ୟ ପଛରେ ପକାଇ ଦେଇଛି। ଏ ସମ୍ପର୍କରେ ଏଲପିୟୁର କୁଳପତି ଡ. ଅଶୋକ କୁମାର ମିତ୍ତଲ କହିଛନ୍ତି, ଏଭଳି ଏକ ସମ୍ମାନଜନକ ମାନ୍ୟତା ପାଇଁ ଆମେ ବେଶ୍ ଆନନ୍ଦିତ, ଏପରିକି ମୁଁ ଏଲପିୟୁର ସମସ୍ତ କାର୍ଯ୍ୟକର୍ତ୍ତା ଓ ଅଂଶୀଦାରଙ୍କୁ ଅଭିନନ୍ଦନ ଜଣାଉଛି। ବିଶେଷକରି ଉକ୍ତ ଅନୁଷ୍ଠାନରେ ସମୟ ଆବଶ୍ୟକ ପରିଚାଳନା ପ୍ରୋଗ୍ରାମ ସହ ଆମର ଏମ୍ବିଏ ଛାତ୍ରମାନେ ଶିଳ୍ପ କ୍ଷେତ୍ରରେ ବ୍ୟବହାରିକ ପ୍ରୟୋଗଗୁଡ଼ିକର ଏକ ଗଭୀର ଅଭିଜ୍ଞତା ହାସଲ କରିଛନ୍ତି।
