ମୁମ୍ବାଇ,୧୯।୪: ମୁକେଶ ଅମ୍ବାନି। ବାସ ନାମ ହିଁ ଯଥେଷ୍ଟ। ଏହି ନାମର କୌଣସି ପରିଚୟର ଆବଶ୍ୟକତା ନାହିଁ। ଧିରୁଭାଇ ଅମ୍ବାନିଙ୍କ ପୁଅ ଭାବେ ମୁକେଶ ଏବେ ଦେଶର ଜଣେ ଆଗଧାଡିର ଉଦ୍ଦ୍ୟୋଗପତି। କେବଳ ଦେଶ କାହିଁକି ସାରା ବିଶ୍ୱରେ ସେ ଏବେ ବେଶ ପରିଚିତ। ଏପ୍ରିଲ ୧୯ରେ ଅମ୍ବାନି ପାଳନ କରୁଛନ୍ତି ତାଙ୍କର ୬୬ ତମ ଜନ୍ମଦିନ। ତାଙ୍କର ପରିବାର ସଦସ୍ୟଙ୍କ ସହ ଶୁଭେଚ୍ଛୁମାନେ ମୁକେଶ ଅମ୍ବାନିଙ୍କ ସୁସ୍ଥ ଓ ଦୀର୍ଘ ଜୀବନ କାମନା କରିବା ସହ ଉଜ୍ୱଳ ଭବିଷ୍ୟତ ମଧ୍ୟ କାମନା କରିଛନ୍ତି। ୟମନରେ ୫୫ ଲକ୍ଷ ଲୋକଙ୍କ ମଧ୍ୟରେ ଜନ୍ମ ନେଇଥିବା ମୁକେଶ ଅମ୍ବାନି ଏବେ ୧୪୦ କୋଟି ଲୋକଙ୍କ ହୃଦୟରେ ରାଜ କରୁଛନ୍ତି।
ମୁକେଶ ଅମ୍ବାନି ଏସିଆର ସବୁଠାରୁ ଅଧିକ ଧନି ହୋଇଥିବା ବେଳେ ଫୋର୍ବସ ମାଗାଜିନ ତା’ର ୨୦୨୩ ସଂସ୍କରଣରେ ହିଁ ମୁକେଶକୁ ନମ୍ବର ଓ୍ବାନ ଧନି ବୋଲି କହିଥିଲା। ଫୋର୍ବସର ରିୟଲ ଟାଇମ ଇଣ୍ଡେକ୍ସ ଅନୁଯାୟୀ, ମୁକେଶ ଅମ୍ବାନି ୮୧.୪ ଅରବ ଡଲାର ନେଟଓ୍ବର୍ଥର ମାଲିକ। ଏହାସହ ମୁକେଶ ଏସିଆର ରିଚେଷ୍ଟ ପର୍ସନ ପାଲଟି ଯାଇଛନ୍ତି। ବିଶ୍ୱରେ ତାଙ୍କ ନମ୍ବର ୧୩ ତମ ସ୍ଥାନରେ ରହିଛି। ଏହା ବ୍ଲୁମବର୍ଗ ସୂଚନାରେ ରହିଛି। ଏହି କ୍ରମରେ ମୁକେଶ ଅମ୍ବାନି ଅନେକ ଥର ଟପ ୧୦ରେ ସାମିଲ ହେବାର ସୁଯୋଗ ପାଇଛନ୍ତି।