ମୁମ୍ବାଇ,୯।୧: ଦେଶର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀ ଆମେରିକାର ନ୍ୟୁୟର୍କ ସହରରେ ଥିବା ମାଣ୍ଡାରିନ ଓରିଏଣ୍ଟାଲ ହୋଟେଲ କିଣିଛନ୍ତି। ଏହି ହୋଟେଲକୁ ସେ ୭୨୮ କୋଟି ଟଙ୍କା କିଣିଛନ୍ତି। ମୁକେଶ ଅମ୍ବାନୀ ଏହା ପୂର୍ବରୁ ବ୍ରିଟେନର କଣ୍ଟ୍ରି କ୍ଲବ ମଧ୍ୟ କିଣିଥିଲେ। ନ୍ୟୁୟର୍କ ର ସବୁଠାରୁ ମହଙ୍ଗା ଏବଂ ପ୍ରସିଦ୍ଧ ହୋଟେଲ ମଧ୍ୟରେ ମାଣ୍ଡାରିନ ଓରିଏଣ୍ଟାଲ ହୋଟେଲ ଗଣନା କରାଯାଏ। ମୁକେଶ ଅମ୍ବାନୀ ଏହାକୁ ଦୀର୍ଘ ଦିନ ଧରି କିଣିବାକୁ ଯୋଜନା କରୁଥିଲେ। ଏହି ହୋଟେଲରେ ଗୋଟିଏ ରାତି ରହିଲେ ସର୍ବନିମ୍ନ ୭୪୫ ଡଲାର୍ ଅର୍ଥାତ୍ ୫୫ ହଜାର ଟଙ୍କା ଏବଂ ସର୍ବାଧିକ ୧୦.୪୦ ଲକ୍ଷ ଟଙ୍କା ଦେବାକୁ ପଡେ। ରୁମ୍ ଅନୁସାରେ ଟଙ୍କା ନିଷ୍ପତ୍ତି ନିଆଯାଏ। ଏହି ହୋଟେଲରେ ୨୪୮ଟି ରୁମ୍ ରହିଛି।
୨୦୦୩ ମସିହାରେ ନ୍ୟୁୟର୍କର ୮୦ କଲମ୍ବସ ସର୍କଲରେ ୫ ତାରକା ମାଣ୍ଡାରିନ ଓରିଏଣ୍ଟାଲ ହୋଟେଲ ନିର୍ମାଣ କରାଯାଇଥିଲା। ମୁକେଶ ଅମ୍ବାନୀ ଏହି ହୋଟେଲକୁ ୯.୮୧ କୋଟି ଡଲାର ଅର୍ଥାତ୍ ୭୨୮ କୋଟି ଟଙ୍କାରେ କିଣିଛନ୍ତି ଏବଂ ଏହାପୂର୍ବରୁ ବ୍ରିଟେନର କଣ୍ଟ୍ରି କ୍ଲବକୁ ମଧ୍ୟ ସେ ୫୯୨ କୋଟି ଟଙ୍କାରେ କିଣିଥିଲେ।