![](https://www.dharitri.com/wp-content/uploads/2023/10/ambani-2.jpg)
ଏସିଆର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀଙ୍କୁ ପୁଣିଥରେ ଜୀବନରୁ ମାରି ଦେବାକୁ ଧମକ ମିଳିଛି। ଏକ ଇ-ମେଲ ଜରିଆରେ ତାଙ୍କୁ ଏହି ଧମକ ମିଳିଛି। ଇ-ମେଲ ପ୍ରେରକ ତାଙ୍କଠାରୁ ୨୦ କୋଟି ଟଙ୍କା ଦାବି କରିଛନ୍ତି। ପୂର୍ବରୁ ଅମ୍ବାନୀଙ୍କ ଘର ଆଣ୍ଟେଲିଆ ସାମ୍ନାରୁ ସନ୍ଦିଗ୍ଧ ସ୍କର୍ପିଓ ମିଳିଥିବାରୁ ଧମକ ଘଟଣାକୁ ପୋଲିସ ତତ୍ପରତାର ସହ ଯାଞ୍ଚ କରୁଛି।
କହିରଖୁଛୁ, ମୁକେଶ ଅମ୍ବାନୀ ସ୍ତ୍ରୀ ନୀତା ଅମ୍ବାନୀ, ପୁଅ ଅନନ୍ତ,ଆକାଶ ଏବଂ ବୋହୂମାନଙ୍କ ସହ ଆଣ୍ଟେଲିଆରେ ରୁହନ୍ତି। ସୁରକ୍ଷା ଦେଖିଲେ ଜେଡ୍ ପ୍ଲସ୍ ସିକ୍ୟୁରିଟି ତାଙ୍କୁ ଦିଆଯାଇଛି। ଏହାର ଖର୍ଚ୍ଚ ସେ ନିଜେ ଉଠାନ୍ତି। ଏଥିରେ ୫୫ ସୁରକ୍ଷାକର୍ମୀଙ୍କ ଅଭେଦ୍ୟ ସୁରକ୍ଷା କବଚ ମୁକେଶଙ୍କୁ ମିଳିଛି। ସେମାନଙ୍କ ମଧ୍ୟରେ ୧୦ରୁ ଅଧିକ ଏନ୍ଏସଜି କମାଣ୍ଡୋ, ପୋଲିସ ଅଫିସର ସାମିଲ ଅଛନ୍ତି। ସେହିଭଳି ନୀତାଙ୍କୁ ମଧ୍ୟ ଓ୍ବାଇ କାଟାଗୋରୀର ସୁରକ୍ଷା ମିଳୁଛି। ଉଭୟଙ୍କ ସୁରକ୍ଷାରେ ରେଞ୍ଜ ରୋଭର ଭଳି ଦାମୀ କାର ମଧ୍ୟ ରହିଛି। ଏଥିଲାଗି ମାସକୁ ୧୫-୧୬ ଲକ୍ଷ ଟଙ୍କା ଖର୍ଚ୍ଚ ହେଉଛି।