ନୂଆଦିଲ୍ଲୀ,୧୯।୭: ଭାଜପା ବରିଷ୍ଠ ନେତା ମୁକ୍ତାର ଆବାସ ନକଭୀଙ୍କୁ ଦଳ ପକ୍ଷରୁ ନୂଆ ଦାୟିତ୍ୱ ଦିଆଯାଇଛି। ମୁକ୍ତାର ରାଜ୍ୟସଭାରେ ଭାଜପା ସଂସଦୀୟ ଦଳର ଉପନେତା ଭାବେ କାର୍ଯ୍ୟ କରିବେ। ପୂର୍ବରୁ ଭାଜପା ପୀୟୂଷ ଗୋୟଲଙ୍କୁ ରାଜ୍ୟସଭାରେ ସଂସଦୀୟ ଦଳ ନେତା ନିଯୁକ୍ତି କରିଥିଲା।
ଭାଜପା ନେତା ନକଭୀ ଦୀର୍ଘ ଦଶନ୍ଧି ହେଲା ଦଳ ପାଇଁ କାମ କରୁଛନ୍ତି। ସେ ମୋଦି ସରକାର-୧ରେ ସଂସଦୀୟ ବ୍ୟାପାର ରାଷ୍ଟ୍ରମନ୍ତ୍ରୀ ଭାବେ କାମ କରିଥିଲେ। ସେ ଏକମାତ୍ର ମୁସଲିମ ଚେହେରା ଭାବେ କ୍ୟାବିନେଟରେ ଅଛନ୍ତି। ଅଟ୍ଟଳ ବିହାରୀ ବାଜପେୟୀଙ୍କ ସରକାର ସମୟରେ ମଧ୍ୟ ସେ କେନ୍ଦ୍ରମନ୍ତ୍ରୀ ଥିଲେ।