ଗାଜିପୁର,୨୯।୪: ଗ୍ୟାଙ୍ଗଷ୍ଟର ଆକ୍ଟ ମାମଲାରେ ମୁଖତାର ଅଂସାରୀଙ୍କୁ ୧୦ ବର୍ଷ ଜେଲ ଦଣ୍ଡ ହୋଇଛି। ଶନିବାର ଏହି ସଜା ଶୁଣାଇଛନ୍ତି କୋର୍ଟ। ଗାଜିପୁରର ଏମପି-ଏମଏଲଏ କୋର୍ଟ ୧୬ ବର୍ଷ ପୁରୁଣା ମାମଲାରେ ପୂର୍ବତନ ବିଧାୟକଙ୍କୁ ୧୦ ବର୍ଷର ସଜା ଶୁଣାଇଛନ୍ତି। ଏହାସହ କୋର୍ଟ ୫ ଲକ୍ଷ ଟଙ୍କାର ଜରିମାନା ବି କରିଛନ୍ତି।
ଗାଜିପୁରର ଏମପି-ଏମଏଲଏ କୋର୍ଟ ଶନିବାର ଗ୍ୟାଙ୍ଗଷ୍ଟର ଆକ୍ଟ ମାମଲାରେ ମଉର ପୂର୍ବତନ ବିଧାୟକ ମୁଖତାର ଅଂସାରୀଙ୍କୁ ସଜା ଶୁଣାଇଛନ୍ତି। କୋର୍ଟ ତାଙ୍କର ରାୟରେ ୧୦ ବର୍ଷର କାରାଦଣ୍ଡ ସହ ୫ ଲକ୍ଷ ଟଙ୍କାର ଜରିମାନା ବି କରିଛନ୍ତି। ଏହି ମାମଲା ଭାରତୀୟ ଜନତା ପାର୍ଟି(ଭାଜପା)ର ପୂର୍ବତନ ବିଧାୟକ କୃଷ୍ଣାନନ୍ଦ ରାୟଙ୍କ ହତ୍ୟା ସହ ସମ୍ପର୍କ ରଖିଛି। ଏହି ମାମଲାରେ ଭାଜପାର ବର୍ତ୍ତମାନର ଏମପି ଓ ମୁଖତାର ଅଂସାରୀଙ୍କ ଭାଇଙ୍କ ଉପରେ ବି ଗ୍ୟାଙ୍ଗଷ୍ଟର ଆକ୍ଟ ଲାଗିଛି। ସୂଚନା ଅନୁଯାୟୀ, ଏମପିଙ୍କ ମାମଲା ସମ୍ପର୍କିତ ରାୟ ସଂରକ୍ଷିତ ରହିଛି।
ସୂଚନାଯୋଗ୍ୟ, ମୁଖତାର ଅଂସାରୀଙ୍କ ବିରୋଧରେ ଏହି ମାମଲା ଭାଜପାର ବିଧାୟକ ସ୍ବର୍ଗତ କୃଷ୍ଣାନନ୍ଦ ରାୟ ଓ ନନ୍ଦକିଶୋର ଗୁପ୍ତାଙ୍କ ହତ୍ୟା ମାମଲାରେ ଦାୟର କରାଯାଇଥିଲା। ମୁଖତାର ଓ ଅଫସାଜ ଅଂସାରୀଙ୍କ ବିରୋଧରେ ମାମଲା ୨୦୦୭ରେ ମୁହମ୍ମଦାବାଦ ଥାନାରେ କରାଯାଇଥିଲା। ଏହି ମାମଲାର ଶୁଣାଣି ସମୟରେ ମୁଖତାର ଅଂସାରୀ ଭିଡିଓ କନଫରେନସିଂ ଜରିଆରେ ବାଂଦା ଜେଲରୁ ଯୋଡି ହୋଇଥିଲେ। ୨୦୦୫ରେ ମୁହମ୍ମଦାବାଦ ସ୍ଥିତ ବସନିଆ ଚଟ୍ଟି ନିକଟରେ କୃଷ୍ଣାନନ୍ଦ ରାୟଙ୍କୁ ହତ୍ୟା କରାଯାଇଥିଲା।