ଲକ୍ଷ୍ନୌ,୨୨ ।୧୧: ସମାଜବାଦୀ ପାର୍ଟିର ସଂସ୍ଥାପକ ମୁଲାୟମ ସିଂ ଯାଦବ ୮୩ ବର୍ଷରେ ପଦାର୍ପଣ କରିଛନ୍ତି । ତାଙ୍କ ଜନ୍ମଦିନ ପାଳନ କରିବାକୁ ମୁଲାୟମଙ୍କ ଭାଇ ଶିବପାଲ ଓ ପୁଅ ଅଖିଳେଶଙ୍କ ମଧ୍ୟରେ ଛକାପଞ୍ଝା ଚାଲିଛି । ଏମାନଙ୍କ ମଧ୍ୟରେ ହୋଇଥିବା ରାଜନୈତିକ କନ୍ଦଳ ଥମିବାର ନାଁ ନେଉନି । ଉଭୟ ନିଜ ନିଜ ଜିଦରେ ଅଟଳ ଅଛନ୍ତି । ଚାଚା ଶିବପାଲ ଓ ପୁତୁରା ଅଖିଳେଶଙ୍କ ମଧ୍ୟରେ ଏବେ ଚାଲିଛି ଶୀତଳ ଯୁଦ୍ଧ । ଅନୁମାନ କରାଯାଉଥିଲା କି ମୁଲାୟମ ସିଂ ଯାଦବଙ୍କ ଜନ୍ମଦିନରେ ଶିବପାଲ ସମାଜବାଦୀ ପାର୍ଟିରେ ମିଶି ଯାଇପାରନ୍ତି ନଚେତ୍ ଏହାସହ ମେଣ୍ଟ କରିପାରନ୍ତି । ହେଲେ ଏବେ ସେମିତି କିଛି ଲକ୍ଷ୍ୟ କରାଯାଉ ନାହିଁ । କାରଣ ଅଖିଳେଶ ଏଥିପାଇଁ ପ୍ରସ୍ତୁତ ନାହାନ୍ତି । ସୂଚନାଯୋଗ୍ୟ, ମୁଲାୟମଙ୍କ ଜନ୍ମଦିନରେ ସୋମବାର ଶିବପାଲ ସୌଫଇର ଚନ୍ଦଗିରାମ ଷ୍ଟାଡିୟମରେ ସମାଜବାଦୀ ପାର୍ଟିକୁ ବିରୋଧ କରୁଥିବା ବେଳେ ଅଖିଳେଶ ଲକ୍ଷ୍ନୌ ସ୍ଥିତ ପାର୍ଟି କାର୍ଯ୍ୟାଳୟରେ କେକ୍ କାଟିବାର କାର୍ଯ୍ୟକ୍ରମ ରହିଛି ।