ନୂଆଦିଲ୍ଲୀ,୫।୪: ସମାଜବାଦୀ ପାର୍ଟିର ପ୍ରତିଷ୍ଠାତା ମୁଲାୟମ ସିଂ ଯାଦବଙ୍କୁ ମରଣୋତ୍ତର ପଦ୍ମ ବିଭୂଷଣରେ ସମ୍ମାନିତ କରାଯାଇଛି। ତାଙ୍କ ତରଫରୁ ଏହି ସମ୍ମାନ ଗ୍ରହଣ କରିବା ପାଇଁ ତାଙ୍କ ପୁଅ ତଥା ସମାଜବାଦୀ ପାର୍ଟିର ନେତା ଅଖିଳେଶ ଯାଦବ ରାଷ୍ଟ୍ରପତି ଭବନରେ ପହଞ୍ଚି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ହାତରୁ ଏହି ସମ୍ମାନ ଗ୍ରହଣ କରିଛନ୍ତି। ଦୀର୍ଘ ଦିନର ଅସୁସ୍ଥତା ପରେ ଗତ ବର୍ଷ ଅକ୍ଟୋବରରେ ମୁଲାୟମ ସିଂ ଯାଦବଙ୍କର ମୃତ୍ୟୁ ଘଟିଥିଲା।
ଅଖିଳେଶ ଯାଦବ ପିତାଙ୍କ ତରଫରୁ ସମ୍ମାନ ଗ୍ରହଣ କରିବାକୁ ବୁଧବାର ସକାଳେ ଦିଲ୍ଲୀରେ ପହଞ୍ଚିଥିଲେ। ଏହି କାର୍ଯ୍ୟକ୍ରମରେ ଅଖିଳେଶ ଯାଦବଙ୍କ ସହ ତାଙ୍କ ପରିବାର ସଦସ୍ୟ ମଧ୍ୟ ଉପସ୍ଥିତ ଥିଲେ। ପୂର୍ବତନ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ମୁଲାୟମ ସିଂ ଯାଦବଙ୍କୁ ବିଭିନ୍ନ ସ୍ବାସ୍ଥ୍ୟଗତ ସମସ୍ୟା ହେତୁ ସେପ୍ଟେମ୍ବରରେ ଗୁରୁଗାଓଁର ମେଦାନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା। ତେବେ ଚିକିତ୍ସିତ ଅବସ୍ଥାର ତାଙ୍କର ମୃତ୍ୟୁ ହୋଇଥିଲା। ମୁଲାୟମ ସିଂ ସେତେବେଳେ ମେନପୁରୀ ଆସନରୁ ଲୋକ ସଭା ଏମ୍ପି ଥିଲେ। ଏହି ଆସନ ଖାଲି ହେବା ପରେ ଆଉ ଥରେ ନିର୍ବାଚନ ହୋଇଥିଲା। ଯେଉଁଥିରେ ତାଙ୍କ ବୋହୂ ଡିମ୍ପଲ ଯାଦବ ସେହି ଆସନରୁ ନିର୍ବାଚିତ ହୋଇଥିଲେ।
