ନୂଆଦିଲ୍ଲୀ,୧୬।୧: ବିଧାନସଭା ମତଦାନ ପୂର୍ବରୁ ସମାଜବାଦୀ ପାର୍ଟି ଅଧ୍ୟକ୍ଷ ଅଖିଲେଶ ଯାଦବଙ୍କୁ ଏକ ବଡ ଝଟକା ଲାଗିପାରେ। ମୁଲାୟମ ସିଂ ଯାଦବଙ୍କ ସାନବୋହୂ ଅପର୍ଣ୍ଣା ଯାଦବ ଭାଜପାରେ ଯୋଗ ଦେବାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। ଏସମ୍ପର୍କରେ ଅପର୍ଣ୍ଣା ଭାଜପା ନେତାଙ୍କ ସହ ଆଲୋଚନା କରି ସାରିଛନ୍ତି।
୨୦୧୭ରେ ଅପର୍ଣ୍ଣା ନିର୍ବାଚନ ଲଢି ଦ୍ୱିତୀୟ ସ୍ଥାନରେ ରହିଥିଲେ । ସେ ଭାଜପା ପ୍ରାର୍ଥୀ ରୀତା ବହୁଗୁଣା ଯୋଶୀଙ୍କଠାରୁ ପରାସ୍ତ ହୋଇଥିଲେ । ଅପର୍ଣ୍ଣାଙ୍କୁ ପ୍ରାୟ ୬୩ ହଜାର ଭୋଟ ମିଳିଥିଲା ।
ରବିବାର କେନ୍ଦ୍ରମନ୍ତ୍ରୀ ଅନୁରାଗ ଠାକୁରଙ୍କ ଉପସ୍ଥିତିରେ କିଛି ବରିଷ୍ଠ ନେତା ଭାଜପାରେ ସାମିଲ ହୋଇପାରନ୍ତି। ଏହି ସମୟରେ ଅପର୍ଣ୍ଣା ମଧ୍ୟ ପଦ୍ମ ଧରିବେ ବୋଲି ଆଲୋଚନା ହେଉଛି।