ଆବୁଧାବି,୨୫।୨ : ସଂଯୁକ୍ତ ଆରବ ଏମିରେଟ୍ସ(ୟୁଏଇ)ରେ ଆୟୋଜିତ ହେବାକୁ ଥିବା ବହୁପକ୍ଷୀୟ ସମରାଭ୍ୟାସରେ ଭାରତୀୟ ବାୟୁସେନା ଅଂଶଗ୍ରହଣ କରିବ। ଏହି ସମରାଭ୍ୟାସ ୨୭ ଫେବୃଆରୀରୁ ସଂଯୁକ୍ତ ଆରବ ଏମିରେଟ୍ସରେ ଆରମ୍ଭ ହେବ ଏବଂ ୧୭ମାର୍ଚ୍ଚ ପର୍ଯ୍ୟନ୍ତ ଚାଲିବ। ଏହାକୁ ଏକ୍ସ ଡେଜାର୍ଟ ଫ୍ଲାଗ ଭାବେ ନାମିତ କରାଯାଇଛି। ଭାରତୀୟ ବାୟୁସେନା ପାଞ୍ଚଟି ହାଲୁକା ଯୁଦ୍ଧ ବିମାନ ତେଜସ ଏବଂ ଦୁଇଟି ସି -୧୭ ସହିତ ଅଂଶଗ୍ରହଣ ଏଥିରେ ଅଂଶ ଗ୍ରହଣ କରିବ।
ଏହା ପ୍ରଥମ ଥର ପାଇଁ ଭାରତୀୟ ବାୟୁସେନା ଭାରତରେ ନିର୍ମିତ ଏଲସିଏ ତେଜସ ଯୁଦ୍ଧ ବିମାନକୁ ଦେଶ ବାହାରେ କୌଣସି ସମରାଭ୍ୟାସରେ ଅନ୍ତର୍ଭୁକ୍ତ କରିଛି। ଏକ୍ସ ଡେଜାର୍ଟ ଫ୍ଲାଗ ବହୁପକ୍ଷୀୟ ସମରାଭ୍ୟାସରେ ଭାରତୀୟ ବାୟୁସେନା ସହିତ ୟୁଏଇ, ଫ୍ରାନ୍ସ, କୁଏତ, ଅଷ୍ଟ୍ରେଲିଆ, ବ୍ରିଟେନ, ବାହାରିନ, ମୋରୋକୋ, ସ୍ପେନ, ଦକ୍ଷିଣ କୋରିଆ ଏବଂ ଆମେରିକା ଆଦି ୧୧ ଟି ଦେଶ ଅଂଶଗ୍ରହଣ କରିବେ ।
ଭାରତୀୟ ବାୟୁସେନା କହିଛି ଯେ ଏହି ସମରାଭ୍ୟାସର ଉଦ୍ଦେଶ୍ୟ ହେଉଛି ବିଭିନ୍ନ ଯୁଦ୍ଧ କାର୍ଯ୍ୟକଳାପରେ ନିୟୋଜିତ ହେବା ଏବଂ ଦୁନିଆର ସର୍ବୋତ୍ତମ ବାୟୁସେନା ସହିତ ଅଭ୍ୟାସ କରିବା।
