ନୂଆଦିଲ୍ଲୀ,୫।୪: ଚଳିତ ଆଇପିଏଲ୍ରେ ମୁମ୍ବାଇ ଇଣ୍ଡିଆନ୍ସର ଖରାପ ପ୍ରଦର୍ଶନ ଜାରି ରହିଛି। ଦଳ ଏହି ସିଜନରେ ୩ ମୁକାବିଲା ହାରି ସାରିଛି। ଏପ୍ରିଲ ୪ରେ ଲକ୍ଷ୍ନୌ ବିପକ୍ଷରେ ମୁମ୍ବାଇ ୧୨ ରନ୍ରେ ପରାଜିତ ହୋଇଥିଲା। ହେଲେ ଏହି ମ୍ୟାଚ୍ ମୁମ୍ବାଇ ଜିତିପାରେ ବୋଲି ଅନୁମାନ କରାଯାଉଥିଲା। ମାତ୍ର ଲକ୍ଷ୍ନୌ ବ୍ୟାଟ୍ସମ୍ୟାନଙ୍କ ଜବରଦସ୍ତ ବୋଲିଂ ଯୋଗୁ ମୁମ୍ବାଇ ପରାଜିତ ହୋଇଥିଲା। ଅଧିନାୟକ ହାର୍ଦ୍ଦିକ ପାଣ୍ଡ୍ୟା ବହୁତ ଚେଷ୍ଟା କରିଥିଲେ। ହେଲେ ସେ ଦଳକୁ ଜିତାଇପାରି ନ ଥିଲେ। ଅନ୍ତିମ ଓଭରରେ ୨୨ ରନ ଆବଶ୍ୟକତା ଥିଲା। ତେବେ ଏହି ଓଭରରେ ଏଭଳି କିଛି ଘଟିଥିଲା ଯାହାକୁ ନେଇ ଫ୍ରାଞ୍ଚାଇଜ ମାଲିକ ଆକାଶ ଅମ୍ବାନୀ ରାଗି ଯାଇଥିଲେ। ଏବେ ତାଙ୍କର ପ୍ରତିକ୍ରିୟା ଭାଇରାଲ ହେଉଛି।
ମୁମ୍ବାଇକୁ ଅନ୍ତିମ ୬ ବଲ୍ରେ ୨୨ ରନ୍ର ଆବଶ୍ୟକତା ଥିଲା। ଲକ୍ଷ୍ନୌ ଅଧିନାୟକ ଋଷଭ ପନ୍ତ ଆବେଶ ଖାନଙ୍କୁ ବୋଲିଂ ଲାଗି ନିର୍ଦ୍ଦେଶ ଦେଇଥିଲେ। ଏହି ଓଭରରେ ପାଣ୍ଡ୍ୟା ଧୋନୀଙ୍କ ପରି ତାଙ୍କ ଦଳକୁ ଜିତାଇବାକୁ ଚେଷ୍ଟା କରିଥିଲେ, ଯାହାକୁ ଆକାଶ ଅମ୍ବାନୀ ପସନ୍ଦ କରିନଥିଲେ। ହାର୍ଦ୍ଦିକ ପ୍ରଥମ ୨ଟି ବଲରେ ୮ ରନ କରିଥିଲେ। ତଥାପି ୪ଟି ବଲ୍ରେ ୧୪ ରନ୍ର ଆବଶ୍ୟକ ଥିଲା। ଏହିଠାରୁ ମୁମ୍ବାଇ ପାଖରେ ମ୍ୟାଚ ଜିତିବାର ସୁଯୋଗ ଥିଲା। କିନ୍ତୁ ସେ ତୃତୀୟ ବଲ୍ରେ ଭଲ ଖେଳିପାରି ନ ଥିଲେ। ଏହା ଡିପ୍ ବ୍ୟାକୱାର୍ଡ ସ୍କୋୟାର ଲେଗ୍କୁ ଚାଲିଯାଇଥିଲା। ନନ-ଷ୍ଟ୍ରାଇକରେ ଠିଆ ହୋଇଥିବା ମିଚେଲ ସାଣ୍ଟନର ୧ ରନ ପାଇଁ ଦୌଡ଼ିଥିଲେ। ଏଠାରେ ହାର୍ଦ୍ଦିକ ଧୋନୀ ଯାହା କରନ୍ତି ତାହା କରିଥିଲେ। ସେ ଅନ୍ୟ ପାର୍ଶ୍ୱରେ ଠିଆ ହୋଇଥିବା ମିଚେଲ ସାଣ୍ଟନରଙ୍କୁ କ୍ରିଜର ଅଧାରୁ ଫେରାଇ ଦେଇଥିଲେ। ଏହା ଦେଖି ଆକାଶ ରାଗି ଯାଇଥିଲେ।
Akash Ambani reaction after hardik did not run for the single
pic.twitter.com/cl1F37lmCa
— Sony Tark (@sony_tark_) April 4, 2025
ତୃତୀୟ ବଲରେ ଗୋଟିଏ ବି ସିଙ୍ଗଲ ନ ନେବା ଯୋଗୁ ମୁମ୍ବାଇ କ୍ଷତି ସହିଥିଲା। ଚତୁର୍ଥ ବଲ୍ରେ ଆଭେଶ ଖାନ ଏକ ଚମତ୍କାର ୟର୍କର ମାରିଥିଲେ, ଯେଉଁଥିରେ ପାଣ୍ଡ୍ୟା କୌଣସି ରନ କରିପାରି ନଥିଲେ। ଏହିପରି, ମ୍ୟାଚ୍ରେ ବାକି ଥିବା ଶେଷ ଆଶା ମଧ୍ୟ ଶେଷ ହୋଇଗଲା, କାରଣ ମୁମ୍ବାଇକୁ ଜିତିବା ପାଇଁ ୨ ବଲରେ ୧୪ ରନ କରିବାକୁ ପଡ଼ିଥିଲା। ଯଦି ପାଣ୍ଡ୍ୟା ୨ଟି ଛକା ମାରିଥାନ୍ତେ, ତେବେ ମୁମ୍ବାଇ ୧ ରନରେ ମ୍ୟାଚ ହାରି ଯାଇଥାନ୍ତା। ତଥାପି ପରବର୍ତ୍ତୀ ୨ଟି ବଲ୍ରେ ମାତ୍ର ୧ ରନ ହୋଇଥିଲା।
Akash Ambani is going to remove Hardik Pandya from captaincy
{Mark My Words}
#LSGvMI#IPL2025 pic.twitter.com/gjrr6kwv3C
— Harendra Choudhary (@h_pachar_18) April 5, 2025
ଅନ୍ୟପକ୍ଷରେ ଯଦି ପାଣ୍ଡ୍ୟା ତୃତୀୟ ବଲ୍ରେ ସାଣ୍ଟନରଙ୍କୁ ଷ୍ଟ୍ରାଇକ ଦେଇଥାନ୍ତେ, ତେବେ ତାଙ୍କ ପାଖରେ ମ୍ୟାଚ ଜିତିବା କିମ୍ବା ଟାଇ କରିବାର ସୁଯୋଗ ରହିଥାନ୍ତା, ଯାହା ସେ କରି ନ ଥିଲେ। ହାର୍ଦ୍ଦିକଙ୍କ ନିଜ ଉପରେ ଥିବା ଆତ୍ମବିଶ୍ୱାସ ସଫଳ ହୋଇ ନ ଥିଲା। ଦୁଇଟି ଡଟ୍ ବଲ ଖେଳିବା ଯୋଗୁ ମୁମ୍ବାଇ ବିଜୟ ଦୌଡ଼ରୁ ସମ୍ପୂର୍ଣ୍ଣ ବାହାର ହୋଇଗଲା।
