ନୂଆଦିଲ୍ଲୀ, ୩୦।୮: ଆସନ୍ତା ବର୍ଷ ଆଇପିଏଲ ୨୦୨୫ର ଆୟୋଜିତ ହେବ, କିନ୍ତୁ ଏହାପୂର୍ବରୁ ସମସ୍ତେ ଉତ୍ସାହର ସହିତ ମେଗା ନିଲାମକୁ ଅପେକ୍ଷା କରିଛନ୍ତି। ମେଗା ନିଲାମରେ ବହୁ ସଂଖ୍ୟକ ଖେଳାଳି ଅଂଶଗ୍ରହଣ କରିବେ। ବିଶେଷକରି ନିଲାମ ପୂର୍ବରୁ ରୋହିତ ଶର୍ମା ଚର୍ଚ୍ଚାର କେନ୍ଦ୍ର ପାଲଟିଛନ୍ତି କାରଣ ଅନୁମାନ କରାଯାଉଥିଲା କି ମୁମ୍ବାଇ ଇଣ୍ଡିଆନ୍ସ ତାଙ୍କୁ ମୁକ୍ତ କରିପାରେ । କିନ୍ତୁ ବର୍ତ୍ତମାନ ସୋସିଆଲ ମିଡିଆରେ ଦାବି କରାଯାଉଛି ଯେ ଏମଆଇ ଫ୍ରାଞ୍ଚାଇଜ ଏହାର ପୁରୁଣା ଅଧିନାୟକଙ୍କୁ ବଜାୟ ରଖିବା ପାଇଁ ମନୋବଳ ରଖିଛି।
ସୋସିଆଲ ମିଡିଆରେ ଦାବି କରାଯାଉଛି ଯେ ଏଭଳି କିଛି ରିପୋର୍ଟ ପ୍ରକାଶ ପାଇଛି, ଯାହା ଅନୁଯାୟୀ ମୁମ୍ବାଇ ଇଣ୍ଡିଆନ୍ସ ଆସନ୍ତା ସିଜିନରେ ରୋହିତ ଶର୍ମାଙ୍କୁ ବଜାୟ ରଖିବାକୁ ଯାଉଛି। ଏହା ମଧ୍ୟ କୁହାଯାଇଥିଲା ଯେ ହିଟମ୍ୟାନ ଯାହା ଚାହୁଁଛନ୍ତି ତାହା ଗ୍ରହଣ କରିବାକୁ ଏମଆଇ ମ୍ୟାନେଜମେଣ୍ଟ ପ୍ରସ୍ତୁତ ଅଛି। କିନ୍ତୁ ତାଙ୍କୁ ପୁନର୍ବାର ଅଧିନାୟକ କରାଯିବ କି ନାହିଁ ତାହା ସ୍ଥିର ହୋଇନାହିଁ। ରିପୋର୍ଟ ଅନୁଯାୟୀ, ଏପର୍ଯ୍ୟନ୍ତ ମୁମ୍ବାଇ ଇଣ୍ଡିଆନ୍ସ କିମ୍ବା ରୋହିତ ଶର୍ମାଙ୍କଠାରୁ ଏଭଳି କୌଣସି ବିବୃତ୍ତି ଆସିନାହିଁ।
ଯଦି ଆମେ ଆଇପିଏଲ ୨୦୨୪ କଥା କହିବା, ତେବେ ମୁମ୍ବାଇ ଇଣ୍ଡିଆନ୍ସ ରୋହିତ ଶର୍ମାଙ୍କୁ ଅଧିନାୟକତ୍ୱରୁ ହଟାଇ ହାର୍ଦ୍ଦିକ ପାଣ୍ଡ୍ୟାଙ୍କୁ ନୂତନ ଅଧିନାୟକ ଭାବରେ ନିଯୁକ୍ତ କରିଥିଲା। ହାର୍ଦ୍ଦିକଙ୍କୁ ଗୁଜରାଟ ଟାଇଟାନରୁ ଏମ୍ଆଇ କିଣିଥିଲା। ସେହି ସିଜନରେ ରୋହିତ ଶର୍ମାଙ୍କ ଏମଆଇ ମ୍ୟାନେଜମେଣ୍ଟ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ସହ ଭଲ ସମ୍ପର୍କ ନାହିଁ ବୋଲି ଗୁଜବ ପ୍ରଚାରିତ ହୋଇଥିଲା। ଏଥି ସହିତ ହାର୍ଦ୍ଦିକଙ୍କ ଅଧିନାୟକତ୍ୱରେ ମଧ୍ୟ ମୁମ୍ବାଇ ବହୁତ ଭଲ ପ୍ରଦର୍ଶନ କରିପାରି ନ ଥିଲା, ଯେଉଁ କାରଣରୁ ଦଳ ପଏଣ୍ଟ ଟେବୁଲରେ ଶେଷ ସ୍ଥାନରେ ରହିଥିଲା।