ମୁମ୍ବାଇ,୧୦ ।୯: ୧୯୧୯୩ରେ ମୁମ୍ବାଇ ବୋମା ବିସ୍ଫୋରଣରେ ଦୋଷୀ ସାବ୍ୟସ୍ତ ହୋଇଥିବା ୟାକୁବ ମେମନଙ୍କ କବରର ସୌନ୍ଦର୍ଯ୍ୟକରଣକୁ ନେଇ ମହାରାଷ୍ଟ୍ର ରାଜନୈତିକ ଦଳ ମଧ୍ୟରେ ଉଷ୍ମତା ସୃଷ୍ଟି କରିଛି । ଭାରତୀୟ ଜନତା ପାର୍ଟି(ଭାଜପା) ଲଗାତାର ଦାବି କରି ଆସୁଛି ଯେ ମୁମ୍ବାଇ ବୋମା ବିସ୍ଫୋରଣରେ ଦୋଷୀ ସାବ୍ୟସ୍ତ ହୋଇଥିବା ଦାଉଦ ଇବ୍ରାହିମଙ୍କ ସହଯୋଗୀ ୟାକୁବ ମେମନଙ୍କ କବରକୁ ମଜାର ଭଳି ସଜାଇବାକୁ ଉଦ୍ଧବ ସରକାର ଅନୁମତି ଦେଇଥିଲେ ।
ଏବେ ମୁମ୍ବାଇର ମେୟର କିଶୋରି ପେଡନେକର ଖୁବ୍ ଚର୍ଚ୍ଚାରେ । ତାଙ୍କର ଏକ ପୁରୁଣା ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ ସେ ୟାକୁବ ୟମେମନଙ୍କ ସମ୍ପର୍କୀୟ ରଉଫା ମେମନଙ୍କ ସହ ନଜର ଆସିଛନ୍ତି । ଏହାପରେ ଭାଜପା ଓ କେତେ ଜଣ କଂଗ୍ରେସ ନେତା ଶିବସେନାକୁ ଟାର୍ଗେଟ କରିଛନ୍ତି । ମୁମ୍ବାଇ ଭାଜପାର ଅଧ୍ୟକ୍ଷ ଆଶିଷ ଶେଲାର ଏକ ଖବରଦାତା ସମ୍ମିଳନୀରେ କହିଛନ୍ତି, କ’ଣ ‘ପେଙ୍ଗୁଇନ’ ସେନା ଆତଙ୍କବାଦୀଙ୍କ କବରର ସଂରକ୍ଷକ ସେନା ହୋଇଯାଇନ୍ତି ।
ସଫେଇ ଦେବାକୁ ଯାଇ ମେୟର କିଶୋରି ପେଡନେକର କହିଛନ୍ତି ୟାକୁବ ମେମନଙ୍କ କବରକୁ ସଜାଇବାକୁ ନା ରାଜ୍ୟ ସରକାର ନା ବିଏମସି କେହି ଅନୁମତି ଦେଇ ନାହାନ୍ତି । ହେଲେ ମୁମ୍ବାଇ ମହାନଗର ନିଗମ ନିର୍ବଚନ ପାଖେଇ ଆସୁଥିବାରୁ ଭାଜପା ଲୋକଙ୍କ ମନରେ ଭ୍ରମ ସୃଷ୍ଟି କରୁଛି ।
