ମୁମ୍ବାଇ,୪।୧: କୋଭିଡ୍-୧୯ର ତୃତୀୟ ଲହର ପାଇଁ ଦେଶର ଆର୍ଥିକ ରାଜଧାନୀ ମୁମ୍ବାଇ ସମ୍ପୂର୍ଣ୍ଣ ପ୍ରସ୍ତୁତ। ଏପରି କି ସଂକ୍ରମଣର ସୁନାମୀ ଆସିଲେ ବି ଆମେ ସଫଳତାର ସହିତ ତା’ର ସମ୍ମୁଖୀନ ହେବୁ। ଏଭଳି ଦୃଢ଼ୋକ୍ତି ଦେଇଛନ୍ତି ମୁମ୍ବାଇ ମେୟର କିଶୋରୀ ପେଡନେକର।
ଓମିକ୍ରନ ଭାରିଆଣ୍ଟ କାରଣରୁ ପୁଣି ଥରେ ଆକ୍ରାନ୍ତ ସଂଖ୍ୟା ଦ୍ରୁତ ଗତିରେ ବୃଦ୍ଧି ହୋଇପାରେ ବୋଲି ପ୍ରାୟ ଏକ ସପ୍ତାହ ତଳେ ଚେତାବନୀ ଦେଇଥିଲେ ଡବ୍ଲ୍ୟୁଏଚ୍ଓ ମୁଖ୍ୟ ଟେଡ୍ରସ ଆଧାନମ ଘେବ୍ରେୟେସସ୍।
“ମୋତେ ଭଲଭାବେ ଜଣାଅଛି, ନୂଆ ଭାରିଆଣ୍ଟ ଅଧିକ ସଂକ୍ରମକ। ଏହା ସହ ଡେଲ୍ଟା ଭାରିଆଣ୍ଟର ଆକ୍ରାନ୍ତଙ୍କ ସଂଖ୍ୟା ଦ୍ରୁତଗତିରେ ବୃଦ୍ଧି ପାଉଛି। କିନ୍ତୁ ଆମେ ତୃତୀୟ ଲହର ପାଇଁ ପ୍ରସ୍ତୁତ। ଆମ ପାଖରେ ଯଥେଷ୍ଟ ଲିକ୍ୟୁଡ୍ ଅକ୍ସିଜେନ ପ୍ଲାଣ୍ଟ ସହ ହସ୍ପିଟାଲରେ ୩୦ ହଜାର ବେଡ୍ ପ୍ରସ୍ତୁତ ଅଛି। ଏଥିସହିତ ବଡ଼ କୋଭିଡ୍ ସେଣ୍ଟର ମଧ୍ୟ ପ୍ରସ୍ତୁତ ରଖାଯାଇଛି। ଏପରି କି ସଂକ୍ରମଣର ସୁନାମୀ ଆସିଲେ ବି ଆମେ ସମ୍ମୁଖୀନ ହୋଇପାରିବୁ” ବୋଲି ମେୟର ପେଡନେକର କହିଛନ୍ତି।
