ମୁମ୍ବାଇ,୧୬।୪ : ପୋଲିସର ଉପସ୍ଥିତିରେ ଗ୍ୟାଙ୍ଗଷ୍ଟର ଅତିକ ଅହମ୍ମଦ ଏବଂ ତାଙ୍କ ଭାଇ ଆଶରଫଙ୍କ ହତ୍ୟା ବିଷୟରେ ଅନେକ କଥା କୁହାଯାଉଛି। ବିଭିନ୍ନ ରାଜନେତା ମଧ୍ୟ ଏହା ଉପରେ ନିଜର ପ୍ରତିକ୍ରିୟା ଦେଉଛନ୍ତି। ଶିବସେନା (ଉଦ୍ଧବ ଠାକରେ) ନେତା ସଞ୍ଜୟ ରାଉତ କହିଛନ୍ତି ଉତ୍ତରପ୍ରଦେଶରେ ଏକ ହତ୍ୟାକାଣ୍ଡ ଘଟିଛି ଏବଂ ଧାରା ୧୪୪ ଲାଗୁ କରାଯାଇଛି।
ଏହା ସରକାରଙ୍କ ଦ୍ୱାରା ଯୋଜନାବଦ୍ଧ ଭାବେ କରାଯାଇଛି। କିନ୍ତୁ ଏହି ଘଟଣା ପୋଲିସ ଉପସ୍ଥିତିରେ ଘଟିଥିଲା, ଯେଉଁଥିପାଇଁ ଏହା ଏକ ଗମ୍ଭୀର ବିଷୟ ଅଟେ। ଏହା ମଧ୍ୟ ଆଇନ ଶୃଙ୍ଖଳା ଉପରେ ବଡ ପ୍ରଶ୍ନ ସୃଷ୍ଟି କରିଛି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଶାସନରେ ଆଇନ ଶୃଙ୍ଖଳାର ଘୋର ଅବନତି ହୋଇଛି। ଏହା ରାଜ୍ୟ ସରକାରଙ୍କ ପାଇଁ ଏକ ଲଜ୍ଜା ଜନକ ଘଟଣା ବୋଲି ସେ କହିଛନ୍ତି।
