ପେଶାଓ୍ବର, ୧୭।୧: ପାକିସ୍ତାନର ବରିଷ୍ଠ ଓକିଲ ଅବଦ୍ଦୁଲ ଲତିଫ ଆଫ୍ରିଦିଙ୍କୁ ସୋମବାର ପେଶାଓ୍ବର ବାର୍ ରୁମ୍ରେ ଗୁଳି କରି ହତ୍ୟା କରାଯାଇଛି। ଅବଦ୍ଦୁଲ ବାର୍ ରୁମ୍ରେ ବସିଥିବାବେଳେ ଆଦନାନ ନାମକ ଜଣେ ଟ୍ରେନି ଓକିଲ ତାଙ୍କ ଉପରକୁ ଗୁଳି ଫୁଟାଇଥିଲେ । କ୍ଷତାକ୍ତ ଅବସ୍ଥାରେ ଅବଦ୍ଦୁଲଙ୍କୁ ନିକଟସ୍ଥ ଲେଡି ରିଡିଙ୍ଗ୍ ହସ୍ପିଟାଲ ନିଆଯାଇଥିବାବେଳେ ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ। ମୁଖ୍ୟ ଅଭିଯୁକ୍ତ ଆଦନାନଙ୍କୁ ପୋଲିସ ଗିରଫ କରି ତଦନ୍ତ ଚଳାଇଛି।