ଢାକା, ୨୭।୫: ମୁସ୍ତାଫିକର ରହିମଙ୍କ ଶତକ ବଳରେ ଦ୍ୱିତୀୟ ଦିନିକିଆରେ ଶ୍ରୀଲଙ୍କାକୁ ଅତି ସହଜରେ ପରାସ୍ତ କରିଛି ବାଂଲାଦେଶ। ଏହି ବିଜୟ ସହ ୩ ମ୍ୟାଚ୍ ବିଶିଷ୍ଟ ସିରିଜ୍କୁ ୨-୦ରେ ଆଗୁଆ ଜିତି ନେଇଛି ଘରୋଇ ଦଳ। ତେବେ ଉଇକେଟ ମାଇକ୍ରେ ରେକର୍ଡ ହୋଇଥିବା ରହିମଙ୍କ କମେଣ୍ଟ ନେଇ ସୋସିଆଲ ମିଡିଆରେ ବେଶ୍ ଚର୍ଚ୍ଚା ହେଉଛି। ଯଦି ବୋଲିଂ ବେଳେ ନନ୍ ଷ୍ଟ୍ରାଇକର ବ୍ୟାଟ୍ସମ୍ୟାନ ସାମ୍ନାକୁ ଆସୁଛନ୍ତି, ତେବେ ତାଙ୍କୁ ଠେଲି ତଳେ ପକେଇ ଦେବାକୁ ସ୍ପିନର ମେହିଦି ହାସନଙ୍କୁ ବଙ୍ଗାଳି ଭାଷାରେ ପରାମର୍ଶ ଦେଇଥିଲେ ରହିମ।
ମ୍ୟାଚ୍ରେ ରହିମଙ୍କ ୧୨୫ ରନ୍ର ଶିତକୀୟ ଇନିଂସ ବଳରେ ପ୍ରଥମ ବ୍ୟାଟିଂ କରିଥିବା ବାଂଲାଦେଶ ୨୪୬ ରନ୍ କରିଥିଲା। ଜବାବରେ ବର୍ଷା ବାଧକ ସାଜିଲବେଳକୁ ଶ୍ରୀଲଙ୍କା ୩୮ ଓଭରରେ ୯ ଉଇକେଟ ହରାଇ ୧୨୬ ରନ୍ କରିଥିଲା। ଏହାପରେ ଡିଏଲଏସ୍ ନିୟମରେ ୧୦୩ ରନ୍ରେ ମ୍ୟାଚ୍କୁ ଜିତି ନେଇଥିଲା ବାଂଲାଦେଶ।
