ନୂଆଦିଲ୍ଲୀ,୨୩।୧୧(ପି.ଟି.): ଟେସ୍ଲା ସହପ୍ରତିଷ୍ଠାତା ଏଲନ୍ ମସ୍କ ଚଳିତ ବର୍ଷ ୧୦୦.୫ ବିଲିୟନ ଡଲାର ହରାଇଲେଣି। ତଥାପି ସେ ଏବେ ବିଶ୍ୱର ସର୍ବଶ୍ରେଷ୍ଠ ଧନୀ। ବ୍ଲୁମ୍ବର୍ଗ ବିଲିୟନେୟାର୍ସ ସୂଚକାଙ୍କ ଅନୁଯାୟୀ ତାଙ୍କ ମୋଟ ସମ୍ପତ୍ତି ପରିମାଣ ୧୬୯.୮ ବିଲିୟନ ଡଲାର। ବର୍ଷେରୁ ଉର୍ଦ୍ଧ୍ୱ ସମୟ ପୂର୍ବରୁ ତାଙ୍କ ସମ୍ପତ୍ତି ପରିମାଣ ସର୍ବାଧିକ ୩୪୦ ବିଲିୟନ ଡଲାରରେ ପହଞ୍ଚତ୍ଥିଲା। ଏବେ ସେ ଦୈନିକ ହାରାହାରି ୨,୫୦୦ କୋଟି ଟଙ୍କା ହରାଉଥିବା ଜଣାପଡ଼ିଛି।
ଚଳିତ ବର୍ଷ ମସ୍କ ଅନେକ ଚ୍ୟାଲେଞ୍ଜ୍ର ସମ୍ମୁଖୀନ ହୋଇଛନ୍ତି। ନିର୍ମାଣଜନିତ ତ୍ରୁଟି ଯୋଗୁ ଆମେରିକାରେ ତାଙ୍କ ଟେସ୍ଲା କମ୍ପାନୀକୁ ୩ ଲକ୍ଷ ଗାଡ଼ି ଫେରାଇ ନେବାକୁ ପଡ଼ିଛି। ଫଳରେ ସୋମବାର ନ୍ୟୁୟର୍କ ଟ୍ରେଡିଂରେ ଟେସ୍ଲା ଶେୟାର ୬.୮ ପ୍ରତିଶତ ହ୍ରାସ ପାଇ ୧୬୭.୮୭ ଡଲାରରେ ପହଞ୍ଚତ୍ଛି, ଯାହାକି ୨୦୨୦ ନଭେମ୍ବରଠାରୁ ସର୍ବନିମ୍ନ। ବର୍ଷକରେ ଶେୟାର ମୂଲ୍ୟ ୫୨ ପ୍ରତିଶତ ହ୍ରାସ ପାଇଛି। ଗତମାସରେ ମସ୍କ ୪୪ ବିନିୟନ ଡଲାର ବିନିମୟରେ ସୋସିଆଲ ମିଡିଆ ନେଟ୍ଓ୍ବର୍କ ଟୁଇଟରକୁ କିଣିଥିଲେ। ଏହା ପରେ ସେ ଟୁଇଟରରୁ ୬୦ ପ୍ରତିଶତ କର୍ମଚାରୀଙ୍କୁ ଛଟେଇ କଲେଣି।