![](https://www.dharitri.com/wp-content/uploads/2024/06/dvqj6o0g_cutting-trees_625x300_01_March_24.jpeg)
ନୂଆଦିଲ୍ଲୀ, ୩।୬: ବାୟୁମଣ୍ଡଳରେ ଉତ୍ତାପ ବୃଦ୍ଧିକୁ ରୋକିବା ପାଇଁ ଗଛ ନ କାଟିବା ଏବଂ ଫସଲକୁ ନ ଜଳାଇବା ପାଇଁ ଲୋକମାନଙ୍କୁ ଅପିଲ କରି ଫତୱା ଜାରି କରିଛି ଇସଲାମିକ୍ ସେଣ୍ଟର ଅଫ୍ ଇଣ୍ଡିଆ(ଆଇସିଆଇ)। ଲକ୍ଷ୍ନୌରେ ଅନୁଷ୍ଠିତ ହୋଇଥିବା ଏକ ସେମିନାରରେ ପ୍ରକୃତି ପ୍ରତି ମନୁଷ୍ୟ ଦାୟିତ୍ୱ ବିଷୟରେ ଉଲ୍ଲେଖ କରି ଏହି ନିଷ୍ପତି ନିଆଯାଇଛି।
‘କୁରାନ’ ଅନୁଯାୟୀ ଇସଲାମ ଧର୍ମର ଦାୟିତ୍ୱ ହେଉଛି ପୃଥିବୀପୃଷ୍ଠରେ ସବୁଜବଳୟକୁ ସୁରକ୍ଷା ଦେବା, ଜଳ ସଞ୍ଚୟ କରିବା ଏବଂ ଅପଚୟକୁ ଏଡ଼ାଇବା। ତେଣୁକରି ସମସ୍ତ ମୁସଲମାନ ଏହା ନିଶ୍ଚିତ କରିବା ଉଚିତ କି ସେମାନେ ଗଛ ନ କାଟିବା ଏବଂ ଫସଲକୁ ନ ଜଳାଇବା ପ୍ରତି ଧ୍ୟାନ ଦେବେ ବୋଲି ଆଇସିଆଇ ଅଧ୍ୟକ୍ଷ ମୌଲାନା ଖାଲୀଦ ରଶିଦ ଫାରଙ୍ଗୀ ମହାଲି କହିଛନ୍ତି।
ଏହି ଭିଡିଓ ବାର୍ତ୍ତାରେ ମୌଲାନା ଖାଲୀଦ ଅଧିକରୁ ଅଧିକ ବୃକ୍ଷ ରୋପଣ କରିବା ସହ ଗଛ କାଟିବାରୁ ନିବୃତ ରହିବାକୁ ଲୋକମାନଙ୍କୁ ଆଗ୍ରହ କରିଛନ୍ତି। ଏଥିରେ ସେ କହିଛନ୍ତି ” ସେ କହିଛନ୍ତି, “ସର୍ବଶକ୍ତିମାନ୍ ଈଶ୍ବରଙ୍କ ଅନୁଯାୟୀ, ଯେଉଁମାନେ ବୃକ୍ଷ ରୋପଣ କରନ୍ତି, ଯେଉଁମାନେ ମଣିଷ ଏବଂ ପଶୁ ସମେତ ସମସ୍ତ ଜୀବଜନ୍ତୁଙ୍କୁ ଉପକୃତ କରନ୍ତି ସେମାନଙ୍କ ଉପରେ ତାଙ୍କର କୃପା ରହିଥାଏ। ପୋଖରୀ, କେନାଲ, ନଦୀ ଓ ସମୁଦ୍ରକୁ ପ୍ରଦୂଷିତ ହେବାକୁ ରକ୍ଷା କରିବାକୁ ଆନ୍ତରିକ ଚେଷ୍ଟା କରିବା ଉଚିତ।” ,ତେଣୁ ଗଛ ଏବଂ ଫସଲ ଜାଳିବା ନିଷେଧ। ଏହା ଏକ ବଡ ପାପ। ଯୁଦ୍ଧ ସମୟରେ ମଧ୍ୟ ଗଛ, ବଗିଚା ଏବଂ କ୍ଷେତ ପୋଡିଯିବା କିମ୍ବା ନଷ୍ଟ ହେବା ଉଚିତ୍ ନୁହେଁ। “