କୋଲକାତା,୧୪ା୧୨: ପଶ୍ଚିମବଙ୍ଗ ଉତ୍ତର ୨୪ ପ୍ରଗଣା ଜିଲାର ୨ଜଣ ମୁସଲମାନ କାରିଗର ଅଯୋଧ୍ୟା ରାମମନ୍ଦିର ପାଇଁ ଭଗବାନ ରାମଙ୍କ ମୂର୍ତ୍ତି ନିର୍ମାଣ କରିଛନ୍ତି। ମହମ୍ମଦ ଜମାଲୁଦ୍ଦିନ ଓ ତାଙ୍କ ପୁଅ ଦୀର୍ଘଦିନ ଧରି ଏହି ମୂର୍ତ୍ତି ନିର୍ମାଣରେ ନିୟୋଜିତ ଥିଲେ। ସେମାନଙ୍କ କାରିଗରି କାର୍ଯ୍ୟ ସମ୍ପର୍କରେ ଅନ୍ଲାଇନରୁ ଜଣାପଡ଼ିବା ପରେ ରାମଙ୍କ ମୂର୍ତ୍ତି ନିର୍ମାଣ ଲାଗି ଅଯୋଧ୍ୟାରୁ ଅର୍ଡର ମିଳିଥିଲା।
ଦେଶରେ ବିଭିନ୍ନ ଧର୍ମର ଲୋକ ଅଛନ୍ତି। ଭଗବାନ ରାମଙ୍କ ମୂର୍ତ୍ତି ନିର୍ମାଣ କରୁଥିବାରୁ ସେ ବହୁତ ଖୁସି ଅନୁଭବ କରୁଛି। ଜଣେ କାରିଗର ଭାବେ ଏହି ମୂର୍ତ୍ତି ହେଉଛି ମୋର ଭ୍ରାତୃତ୍ୱର ବାର୍ତ୍ତା ବୋଲି ଜମାଲୁଦ୍ଦିନ କହିଛନ୍ତି। ସେ ପୂର୍ବରୁ ମା’ ଦୁର୍ଗା ଓ ଜଗଧାତ୍ରୀଙ୍କ ମୂର୍ତ୍ତି ନିର୍ମାଣ କରି ଲୋକପ୍ରିୟତା ହାସଲ କରିଛନ୍ତି।
