ରାଜନୈତିକ ପ୍ରରୋଚନା ଆଳରେ ସମାଜରେ ଧର୍ମ ନାମରେ ଦଙ୍ଗା ହେବାର ନଜିର ରହିଛି। ହେଲେ ଆଜି ବି ହିନ୍ଦୁ ମୁସଲମାନମାନ ଧର୍ମାବଲମ୍ବୀମାନଙ୍କ ମଧ୍ୟରେ ସମନ୍ବୟ ପୂର୍ବଭଳି ରହିଛି। ଏହାର ପ୍ରମାଣ ଆମେ ସମୟ ସମୟରେ ପାଇଥାଉ। ଏହି ସମୃଦ୍ଧ ପରମ୍ପରା ଏବଂ ସଂସ୍କୃତିର ଭାବାବେଗ ଭାରତକୁ ବିଶ୍ୱଠାରୁ ଭିନ୍ନ କରିଥାଏ।
ଏପରି ଏକ ଘଟଣାକ୍ରମରେ ଇନ୍ଦୋରର ଜଣେ ମୁସଲମାନ ବ୍ୟକ୍ତି ତାଙ୍କ ପୁଅ କୃଷ୍ଣଙ୍କ ନାମ ରଖିଛନ୍ତି। ତାଙ୍କ ପୁଅ କୃଷ୍ଣ ଜନ୍ମାଷ୍ଟମୀ ଦିନ ଜନ୍ମ ହୋଇଥିଲେ। ତେଣୁ ସେ ତାଙ୍କ ନାମ କୃଷ୍ଣ ରଖିଥିବା ଜଣାପଡ଼ିଛି। ବ୍ୟକ୍ତିଜଣଙ୍କ ହେଲେ ଅଜିଜ ଖାନ। ମଧ୍ୟପ୍ରଦେଶର ବାସିନ୍ଦା ଥିବା ଅଜିଜଙ୍କର ୧୨ ବର୍ଷ ପୂର୍ବେ ଏକ ପୁଅ ଜନ୍ମ ହୋଇଥିଲା। ଉକ୍ତ ଦିନ ଜନ୍ମାଷ୍ଟମୀ ଥିଲା। ଭଗବାନ କୃଷ୍ଣଙ୍କ ଜନ୍ମ ଅବସରରେ ସେ ତାଙ୍କ ପୁଅଙ୍କ ନାମ ମଧ୍ୟ କୃଷ୍ଣ ରଖିଥିଲେ।
ସେ କୁହନ୍ତି ଯେ, ୧୨ ବର୍ଷ ପୂର୍ବେ ୨୩ ଅଗଷ୍ଟ ୨୦୦୮ ରେ ମୋ ପତ୍ନୀ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ। ଏହା ପରେ ଡାକ୍ତର ପୁଅର ନାମ ଫର୍ମରେ ପୂରଣ କରିବାକୁ କହିଥିଲେ। ମୁଁ ସଙ୍ଗେ ସଙ୍ଗେ ମୋ ପୁଅ କୃଷ୍ଣଙ୍କୁ କୃଷ୍ଣ ବୋଲି କହିଲି। କାରଣ ସେଦିନ କୃଷ୍ଣ ଜନ୍ମାଷ୍ଟମୀ ଥିଲା। ଏହାକୁ ନେଇ ତାଙ୍କ ମା ତାଙ୍କୁ ବିରୋଧ କରିଥିଲେ। କିନ୍ତୁ ସେ ନାମ ପରିବର୍ତ୍ତନ କରି ନ ଥିଲେ। ଏପରିକି ଡାକ୍ତରମାନେ ତାଙ୍କୁ ଏଥିପାଇଁ ବାଧା ଦେଇଥିଲେ। ହେଲେ ପରେ ସେମାନେ ତାଙ୍କ ସହ ରାଜି ହୋଇଥିଲେ।