ଥିରୁଭାନନ୍ତପୁରମ,୨୮।୬: କର୍ନାଟକରୁ ଆରମ୍ଭ ହୋଇଥିବା ହିଜାବ ବିବାଦ ସୁପ୍ରିମକୋର୍ଟରେ ଶୁଣାଣି ପାଇଁ ବିଚାରାଧୀନ ରହିଛି ସତ, କିନ୍ତୁ ଏହି ବିବାଦ ଦେଶର ବିଭିନ୍ନ ରାଜ୍ୟରେ ମୁଣ୍ଡ ଟେକିଛି। ଏଭଳି ଏକ ମାମଲା ଏବେ କେରଳରେ ସାମ୍ନାକୁ ଆସିଛି। ଏଠାରେ ଥିରୁଭାନ୍ତପୁରମ ମେଡିକାଲ କଲେଜର ୭ଜଣ ମୁସଲମାନ ଛାତ୍ରୀ ପ୍ରିନସପାଲଙ୍କୁ ଅପରେଶନ ଥିଏଟରରେ ଲମ୍ବା ସ୍ଲିଭ ସ୍କ୍ରବ ଜ୍ୟାକେଟ ଏବଂ ସର୍ଜିକାଲ ହୁଡ ପିନ୍ଧିବାକୁ ଦାବି କରିଛନ୍ତି।
ନ୍ୟୁଜ ଏଜେନ୍ସି ଏଏନଆଇର ସୂଚନା ଅନୁଯାୟୀ, ଛାତ୍ରୀମାନେ ଏଥିପାଇଁ ହିଜାବ ପିନ୍ଧିବା ଜରୁରୀ ବୋଲି କହିଛନ୍ତି। ଛାତ୍ରୀମାନେ ହିଜାବର ବିକଳ୍ପ ଭାବରେ ଲମ୍ବା ସ୍ଲିଭ ସ୍କ୍ରବ ଜ୍ୟାକେଟ ଏବଂ ସର୍ଜିକାଲ ହୁଡ ପିନ୍ଧିବାକୁ ଅନୁମତି ଲୋଡିଛନ୍ତି। ଏହି ଦାବି ପାଇଁ ୭ଜଣ ଛାତ୍ରୀ କଲେଜ ପ୍ରଶାସନକୁ ଚିଠି ଲେଖିଛନ୍ତି। ଏହି ଚିଠିରେ ସେ ଅପରେସନ ଥିଏଟର ଭିତରେ ହିଜାବ ପିନ୍ଧିବାକୁ ଅନୁମତି ନ ଦେବା ନେଇ ଏକ ଚିଠି ଲେଖି ଚିନ୍ତା ପ୍ରକଟ କରିଛନ୍ତି।
