ନୂଆଦିଲ୍ଲୀ ୨୬ା୧୨- ମୁସ୍ତାକ ଅଲୀ ଟ୍ରଫି ଟି୨୦ ଟୁର୍ନାମେଣ୍ଟ ପାଇଁ ଘୋଷଣା କରାଯାଇଥିବା ଦିଲ୍ଲୀ ଦଳରେ ସ୍ଥାନ ପାଇଛନ୍ତି ଭାରତୀୟ ପେସର ଈଶାନ୍ତ ଶର୍ମା। କିନ୍ତୁ ସେ ଦିଲ୍ଲୀ ଦଳର ସମସ୍ତ ମ୍ୟାଚ ପାଇଁ ଉପଲବ୍ଧ ହେବେ ନାହିଁ। ସିନିୟର ଓପନର ଶିଖର ଧାଓ୍ବନଙ୍କୁ ମଧ୍ୟ ଦଳରେ ନିଆଯାଇଛି। ତାଙ୍କୁ ଦିଆଯାଇଛି ଦିଲ୍ଲୀ ଦଳର ନେତୃତ୍ୱ ଭାର।
ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ବେଳେ ଆହତ ସମସ୍ୟା କାରଣରୁ ଈଶାନ୍ତ ଅଷ୍ଟ୍ରେଲିଆ ଗସ୍ତରୁ ବାଦ୍ ପଡ଼ିଥିଲେ। ଧାଓ୍ବନ ଅଷ୍ଟ୍ରେଲିଆ ବିପକ୍ଷ ଟି୨୦ ସିରିଜ ଖେଳିଥିଲେ। ଦ୍ୱିତୀୟ ମ୍ୟାଚରେ ସେ ଅର୍ଦ୍ଧଶତକ ହାସଲ କରିଥିଲେ। ସିଲେକ୍ସନ ପ୍ୟାନେଲ ଟୁର୍ନାମେଣ୍ଟ ପାଇଁ ୪୨ ଜଣିଆ ଏକ ବଡ଼ ଦଳ ମନୋନୟନ କରିଛି। ଦଳରେ ୧୯ ବର୍ଷରୁ କମ୍ ବିଶ୍ୱକପ ବିଜୟୀ ଅଧିନାୟକ ଉନ୍ମୁକ୍ତ ଚାନ୍ଦ, ନୀତୀଶ ରାଣା, ପଓ୍ବନ ସୁୟଲ ଏବଂ ମନନ ଶର୍ମାଙ୍କୁ ମଧ୍ୟ ନିଆଯାଇଛି।
