ନୂଆଦିଲ୍ଲୀ,୭ା୧: ବର୍ତ୍ତମାନ ସମୟରେ ମ୍ୟୁଚୁଆଲ ଫଣ୍ଡ ଅବସର ଯୋଜନାଠାରୁ ଆରମ୍ଭକରି ପିଲାମାନଙ୍କ ଜରୁରିକାଳୀନ ଆବଶ୍ୟକତା ପର୍ଯ୍ୟନ୍ତ ସେବା ଓ ସୁବିଧା ଯୋଗାଉଛି। ବିଶେଷ କରି ଏହି ଉଦ୍ୟୋଗ ବିଭିନ୍ନ ସମାଧାନ ଉନ୍ମୁଖ ଉପତ୍ାଦ ପ୍ରଦାନ କରିଥାଏ। ଏହା ନିବେଶକଙ୍କୁ ବେଶ୍ ଆକୃଷ୍ଟ କରୁଛି। ଏପରିକି ବିଭିନ୍ନ ଜୀବନ ଲକ୍ଷ୍ୟ ପାଇଁ ଯୋଜନା କରିବାରେ ଏହା ବେଶ୍ ସହାୟକ ହୋଇଥାଏ। ସେହିଭଳି ସମାଧାନ ଉନ୍ମୁଖ ଉପତ୍ାଦ ମ୍ୟୁଚୁଆଲ ଫଣ୍ଡର ଏକ ସାମ୍ପ୍ରତିକ ଆରମ୍ଭ କରାଯାଇଥିବା ବର୍ଗ। ଏହି ପାଣ୍ଠି ଜୀବନରେ ଜଟିଳ ଲକ୍ଷ୍ୟର ଏକ ସହଜ ପଥ ସୃଷ୍ଟି କରିବାରେ ସକ୍ଷମ ହୋଇଥାଏ। ଆମ ଚତୁଃପାର୍ଶ୍ୱରେ ବିଶ୍ୱ ବିକଶିତ ହେଉଥିବାରୁ ନିବେଶକଙ୍କୁ ମଧ୍ୟ ନୂତନ ସୁଯୋଗର ଲାଭ ଉଠାଇବାରେ ସକ୍ଷମ ହେବା ପାଇଁ ବିନିଯୋଗ ଆଭିମୁଖ୍ୟକୁ ମଧ୍ୟ ବିକାଶ କରିବାର ଆବଶ୍ୟକତା ରହିଛି। ଏ ସମ୍ପର୍କରେ ଆକ୍ସିସ ଏମ୍ସିର ମୁଖ୍ୟ ବ୍ୟବସାୟ ଅଫିସର ରାଘବ ଆୟଙ୍ଗର କହିଛନ୍ତି, ଗୁଣବତ୍ତା, ଅଭିବୃଦ୍ଧି, ମୂଲ୍ୟ କିମ୍ବା ପାଣ୍ଠିର ଅନ୍ତର୍ନିହିତ ବିନିଯୋଗ ଦର୍ଶନକୁ ପ୍ରଭାବଶାଳୀ ଭାବରେ ପ୍ରତିନିଧିତ୍ୱ କରୁଥିବା ଅନ୍ୟ କୌଣସି ଆଭିମୁଖ୍ୟକୁ ପାଣ୍ଠି ପରିଚାଳକ ବାଛିପାରିବେ। ବିଶେଷକରି ନିବେଶ ଶୈଳୀରେ ବିବିଧତା ଆଣି ନିବେଶକମାନେ ଏକାଧିକ ବ୍ୟବସାୟ ଚକ୍ରର ଲାଭ ଉଠାଇପାରିବେ। ସେହିପରି ନିବେଶକମାନେ ସିଷ୍ଟମାଟିକ ଇନ୍ଭେଷ୍ଟମେଣ୍ଟ ପ୍ଲାନ୍ (ଏସ୍ଆଇପି) ବିକଳ୍ପ ମଧ୍ୟ ଚୟନ କରିପାରିବେ। ଅପରପକ୍ଷରେ ପ୍ୟାସିଭ ଫଣ୍ଡ ଏକ ପ୍ରକାର ମିଚ୍ୟୁଆଲ ଫଣ୍ଡ, ଯାହା ବେଞ୍ଚମାର୍କ ଇଣ୍ଡେକ୍ସକୁ ଅନୁସରଣ କରିଥାଏ।