ନ୍ୟୁୟର୍କ, ୪।୬: କରୋନା ଭୂତାଣୁ ଚାଇନାର ଉହାନ ଲ୍ୟାବରୁ ଆସିଥିବା ଅନେକ ଅନୁସନ୍ଧାନରୁ ଜଣାପଡିଛି। ପୂର୍ବରୁ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ କରୋନା ଭୂତାଣୁ ଚାଇନାରୁ ଆସିଛି ବୋଲି ଦାବି କରିଥିଲେ। ଏବେ ବିଭିନ୍ନ ଅନୁସନ୍ଧାନ ଏହା ସତ ବୋଲି ପ୍ରମାଣିତ ହେଉଛି। ଏବେ ଏନେଇ ଟ୍ରମ୍ପ କହିଛନ୍ତି, ମୋ ଅନୁମାନ ଠିକ୍ ଥିଲା। ସାରା ବିଶ୍ୱରେ କରୋନାରେ ଯେଉଁ ମୃତ୍ୟୁ ଘଟିଛି, ଚାଇନା ଏସବୁର ଭରଣା କରୁ। କରୋନା କ୍ଷତି ପାଇଁ ଚାଇନା ୧୦ ଟ୍ରିଲିୟନ ଆମେରିକୀୟ ଡଲାର ଦେବା ଉଚିତ୍ ବୋଲି ସେ କହିଛନ୍ତି।
ଟ୍ରମ୍ପ କହିଛନ୍ତି, ସାରା ବିଶ୍ୱରେ କରୋନା ଯୋଗୁ ହୋଇଥିବା ମୃତ୍ୟୁ ଏବଂ କ୍ଷତି ପାଇଁ ଚାଇନା ଦାୟୀ। ଏହି ଭୂତାଣୁ ଚାଇନାର ଉହାନ ଲ୍ୟାବରୁ ଆସିଛି ବୋଲି କହିବା ସଂପୂର୍ଣ୍ଣ ଠିକ ଥିଲା। ଏବେ ସମସ୍ତେ ଏହି କଥାକୁ ଗ୍ରହଣ କରୁଛନ୍ତି।
ସୂଚନାଯୋଗ୍ୟ, ଆମେରିକାରେ କୋଭିଡ ମହାମାରୀ ଆରମ୍ଭ ହେବାର ପ୍ରଥମ ଦିନରେ ଡା ଫାଉଚି ଏବଂ ତାଙ୍କ ସହକର୍ମୀମାନେ ଦାବି କରିଥିଲେ ଯେ, କୋଭିଡ -୧୯ ଚାଇନାର ଉହାନ ଲ୍ୟାବରୁ ଲିକ ହୋଇଥାଇପାରେ।