ନୂଆଦିଲ୍ଲୀ,୧।୧୨: ମୁଁ ମୋ ହୃଦୟ ଓ ଆତ୍ମ ସହ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ପାଇଁ ଖେଳିବି। ଏହି ଅଭିଯାନ ଜାରି ରହିଛି। ମୋତେ ଯେତେବେଳେ ଯୋଗାଯୋଗ କରାଗଲା, ମୁଁ ଦ୍ୱିତୀୟ କିଛି ଚିନ୍ତା କରି ନ ଥିଲି। ବର୍ଷ ବର୍ଷ ହେଲା ବାଙ୍ଗାଲୋର ଫ୍ରାଞ୍ଚାଇଜ ସହ ଚମତ୍କାର ଅଭିଯାନ ଜାରି ରହିଛି। ଆରସିବି ଦ୍ୱାରା ଆଗାମୀ ୩ ସିଜନ ପାଇଁ ରିଟେନ ହେବା ପରେ ଏହା କହିଛନ୍ତି ଭାରତୀୟ ଟେଷ୍ଟ ଓ ଦିନିକିଆ ଦଳର ଅଧିନାୟକ ବିରାଟ କୋହଲି।
କୋହଲିଙ୍କ ସହ ଗ୍ଲେନ ମ୍ୟାକ୍ସଓ୍ବେଲ ଓ ମହମ୍ମଦ ସିରାଜଙ୍କୁ ରଖିଛି ବାଙ୍ଗାଲୋର ଫ୍ରାଞ୍ଚାଇଜ। କୋହଲିଙ୍କୁ ୧୫ କୋଟି ଟଙ୍କାରେ ରିଟେନ କରାଯାଇଥିବା ବେଳେ ଗତ ସିଜନରେ ଦଳ ସହ ଯୋଡ଼ି ହୋଇଥିବା ମ୍ୟାକ୍ସଓ୍ବେଲଙ୍କୁ ୧୧ କୋଟି ଟଙ୍କାରେ ରଖାଯାଇଛି। ସେହିଭଳି ୨୦୧୮ରୁ ଆରସିବି ପାଇଁ ଖେଳୁଥିବା ସିରାଜଙ୍କୁ ୭ କୋଟି ଟଙ୍କାରେ ରଖାଯାଇଛି।