ଗୋପାଳପୁର,୨୮/୧୨(ନବୀନ ରାଜ ଆଚାରୀ): ଗୋଳନ୍ଥରା ଥାନା ଅଧୀନ ଗୋବିନ୍ଦନଗରର ଏକ ପେଟ୍ରୋଲ ପମ୍ପ ନିକଟରେ ଶୁକ୍ରବାର ଏକ ବାଇକ୍କୁ ପିକ୍ଅପ ଭ୍ୟାନ ଧକ୍କା ଦେବାରୁ ମା’ଙ୍କ ସମ୍ମୁଖରେ ପୁଅର ଜୀବନ ଚାଲିଯାଇଛି l ମୃତକ ହେଲେ କେ. ନୂଆଗାଁ ଥାନା ଅଧିନସ୍ଥ ଦେଉଳ ମାଦୁଳି ଗ୍ରାମର ବିି. ପୁରୁଷୋତ୍ତମ (୩୮)। ତାଙ୍କ ମା ବି . ଆଚାମ୍ମା ଗୁରୁତର ଆହତ ହୋଇଛନ୍ତି। ସୂଚନା ପ୍ରକାରେ, ପୁରୁଷୋତ୍ତମ ଓ ତାଙ୍କ ମା’ ବାଇକ୍ (ନଂ.ଓଡି୦୭ ଜେଡ଼ -୮୭୬୦)ରେ ମଦନମୋହନପୁର ଆସୁଥିବା ବେଳେ ୧୬ ନଂ ଜାତୀୟ ରାଜପଥ ଗୋବିନ୍ଦନଗର ପେଟ୍ରୋଲ ପମ୍ପ ଠାରେ ପଛରୁ ଦ୍ରୁତ ଗତିରେ ଆସୁଥିବା ଏକ ପିକ୍ଅପ ଭ୍ୟାନ୍ (ନଂ ଓଡି ୦୭-ଏୟୁ -୧୩୫୯) ଧକ୍କା ଦେଇଥିଲା l ଫଳରେ ମା’ ପୁଅ ରାସ୍ତାରେ ଛିଟିକି ପଡିଥିଲେ ଓ ଘଟଣାସ୍ଥଳରେ ପୁଅ ପୁରୁଷୋତ୍ତମଙ୍କ ମୃତ୍ୟୁ ହୋଇଥିଲା। ଗୁରୁତର ଆଚାମ୍ମାଙ୍କୁ ସ୍ଥାନୀୟ ଲୋକେ ଉଦ୍ଧାର କରି ବ୍ରହ୍ମପୁର ବଡ଼ ଡାକ୍ତରଖାନାରେ ଭର୍ତ୍ତି କରିଥିଲେ l ପୋଲିସ ନଂ.୫୮୧/୨୪ ଏକ ମାମଲା ରୁଜୁ କରି ଦୁର୍ଘଟଣାଗ୍ରସ୍ତ ଗାଡ଼ି ୨ଟି ଜବତ କରିଛି l