ମୁମ୍ବାଇ: କମେଡି କିଙ୍ଗ୍ କପିଲ ଶର୍ମା ତାଙ୍କ ଶୋ’ରେ ସମସ୍ତଙ୍କୁ ହସାଇ ହସାଇ ବେଦମ କରୁଥିବା ବେଳେ ଘରେ କିନ୍ତୁ ଚୁପ୍ ରୁହନ୍ତି। ଯେଉଁଥିପାଇଁ ତାଙ୍କ ସ୍ତ୍ରୀ ଗିନି ଚତ୍ରଥ ବିରକ୍ତ ହୁଅନ୍ତି। ଏକଥା ଆମେ କହୁନୁ, କପିଲ ଶର୍ମା ନିଜେ ତାଙ୍କ ଶୋ’ରେ ଏହା ପ୍ରକାଶ କରିଛନ୍ତି। ସେ କହିଛନ୍ତି, ଶୋ’ ଶେଷ ହେବା ପରେ ଘରେ ପହଞ୍ଚିବା ପରେ ସ୍ତ୍ରୀ ଗିନି କିପରି ତାଙ୍କ ଉପରେ ବିରକ୍ତ ହୁଅନ୍ତି।
ପ୍ରକୃତରେ କପିଲ ଶୋ’ରେ ଅନେକ ସେଲିବ୍ରିଟିଙ୍କ ସହ କଥା ହୋଇ ହୋଇ ଥକ୍କି ଯାଇଥାନ୍ତି। ତେଣୁ ସେ ଘରକୁ ଯିବା ପରେ ଚୁପ୍ ହୋଇ ବସିବାକୁ ଭଲପାଆନ୍ତି। କିନ୍ତୁ ଗିନିଙ୍କୁ କପିଲ ଚୁପ୍ ହେଲେ ଭଲ ଲାଗେ ନାହିଁ। ସେ ଚାହାନ୍ତି ଶୋ’ରେ ଯେମିତି ସେ ହସାଉଛନ୍ତି ଘରେ ବି ସେମିତି ତାଙ୍କ ସହ ହସଖୁସି କରି କଥା ହୁଅନ୍ତୁ।
କପିଲ ଶୋ’ରେ କହିଛନ୍ତି, ଦୟାକରି ମୋ ସ୍ତ୍ରୀଙ୍କୁ ବୁଝାନ୍ତୁ ନ ହେଲେ ସେ ମୋ ଉପରେ ସବୁବେଳେ ଅଭିଯୋଗ ଆଣୁଛନ୍ତି। ଯେତେବେଳେ ବି ମୁଁ ଘରକୁ ଫେରେ ସେ ସବୁବେଳେ ଅଭିଯୋଗ କରନ୍ତି ଯେ, ମୁଁ ତାଙ୍କ ସହ କଥାବାର୍ତ୍ତା କରୁନାହିଁ। କିନ୍ତୁ ଏହା ନୁହେଁ ଯେ, ମୁଁ ତାଙ୍କ ସହ କଥାବାର୍ତ୍ତା କରିବାକୁ ଚାହେଁ ନାହିଁ, ମୁଁ କେବଳ କିଛି ସମୟ ପାଇଁ ଶାନ୍ତ ରହିବାକୁ ଚାହେଁ।
ଏହା ପରେ ଅଞ୍ଜନା ପରଦାରେ ଚାହିଁ ଗିନିଙ୍କୁ କହିଥିଲେ, ଦୟାକରି କପିଲଙ୍କ ଉପରେ ବିରକ୍ତ ହୁଅନ୍ତୁ ନାହିଁ। କେବଳ କପିଲ ନୁହନ୍ତି, ଲୋକପ୍ରିୟ ଅଭିନେତା ରଣବୀର ସିଂଙ୍କ ସ୍ତ୍ରୀ ଦୀପିକା ପାଦୁକୋନ ମଧ୍ୟ ତାଙ୍କ ଉପରେ ଅଭିଯୋଗ କରିଛନ୍ତି। କପିଲଙ୍କ ଶୋ’ରେ ଯେତେବେଳେ କପିଲ ଦୀପିକାଙ୍କୁ ତାଙ୍କ ସ୍ବାମୀଙ୍କ ଶକ୍ତି ବିଷୟରେ ପଚାରିଥିଲେ, ସେତେବେଳେ ଅଭିନେତ୍ରୀ କହିଥିଲେ, ‘ଏହା ସବୁ ବାହାରେ ହୋଇଥାଏ। ମୁଁ ଘରେ ସମ୍ପୂର୍ଣ୍ଣ ଭିନ୍ନ ରଣବୀର ଦେଖୁଛି। ରଣବୀର ଘରେ ବହୁତ ଶାନ୍ତ। ସେ ଘରେ ତାଙ୍କର ନିଦକୁ ପୂରା କରନ୍ତି। ଏହା ଶୁଣି ସମସ୍ତେ ହସିଥିଲେ।