ୟଙ୍ଗୁନ,୧୫।୧୧: ମ୍ୟାନମାର୍ ସାଧାରଣ ନିର୍ବାଚନ ଫଳ ପ୍ରକାଶ ପାଇଛି। ଦେଶରେ ଶାସକ ଦଳ ନ୍ୟାଶନାଲ ଲିଗ୍ ଫର୍ ଡେମୋକ୍ରାସି ପୁଣି ଥରେ କ୍ଷମତା ଦଖଲ କରିଛି। ଶାସକ ଦଳ ୯୨୦ ଆସନରେ ବିଜୟୀ ହୋଇଛି। ନିର୍ବାଚନରେ ୫ ହଜାର ୬୩୯ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଥିଲେ। ମୋଟ ୧,୧୧୭ ଆସନ ମଧ୍ୟରୁ ୩୧୫ଟି ଆସନ ନିମ୍ନ ସଦନର ଥିବାବେଳେ ୧୬୧ ଆସନ ଉପର ସଦନର ରହିଛି। ସେହିପରି ୬୧୨ଟି ଆଞ୍ଚଳିକ ଆସନ ଏବଂ ୨୯ଟି ସଂଖ୍ୟାଲଘୁ ଆସନ ରହିଛି। ଶାସକ ଦଳକୁ ନିମ୍ନ ସଦନରେ ୨୫୮ ଆସନ ମିଳିଛି। ଉପର ସଦନର ୧୩୮ ଆସନରେ ଦଳ ବିଜୟୀ ହୋଇଛି। ଆଞ୍ଚଳିକ ଆସନ ମଧ୍ୟରୁ ୫୦୧ଟି ଦଳ ହାତେଇଛି। ସଂଖ୍ୟାଲଘୁ ଆସନ ମଧ୍ୟରୁ ୨୩ଟି ଶାସକ ଦଳ ଖାତାକୁ ଯାଇଛି। ଅପରପକ୍ଷରେ ବିରୋଧୀ ଦଳ ୟୁନିୟନ ସଲିଡାରିଟି ଆଣ୍ଡ୍ ଡେଭଲପମେଣ୍ଟ୍ ପାର୍ଟି ୭୧ ଆସନରେ ବିଜୟୀ ହୋଇଛି। ଏହାଦ୍ୱାରା ଅଙ୍ଗ୍ ସାନ୍ ସୁକିଙ୍କ ପୁଣି ଶାସନକୁ ଫେରିବା ନିଶ୍ଚିତ ହୋଇଛି।
