ନୂଆଦିଲ୍ଲୀ,୧୨।୧୦ : ସୁପରବଗ ଯଥା ବ୍ୟାକ୍ଟେରିଆର ଏକ ରୂପ, ଯାହା ବେଳେବେଳେ ଏତେ ବିପଜ୍ଜନକ ହୋଇଯାଇଥାଏ ଯେ ଏହା ମନୁଷ୍ୟର ଜୀବନକୁ ମଧ୍ୟ ପ୍ରଭାବିତ କରିଥାଏ। ଏପରି ଏକ ସୁପରବଗ ଦ୍ରୁତ ଗତିରେ ବ୍ୟାପିବାରେ ଲାଗିଛି। ଯେଉଁଥିପାଇଁ ଅନେକ ବୈଜ୍ଞାନିକ ଚିନ୍ତିତ ଅଛନ୍ତି । ଏହି ସୁପରବଗ ର ନାମ ହେଉଛି ମାଇକୋପ୍ଲାଜମା ଜେନିଟାଲିୟମ। ଏହି ସୁପରବଗ ଯୋଗୁଁ ପୃଥିବୀର ଅଧାରୁ ଅଧିକ ଜନସଂଖ୍ୟା ପ୍ରଜନନ କ୍ଷମତା ହରାଉଛନ୍ତି । ସୁପରବଗ ପାଇଁ ଏପର୍ଯ୍ୟନ୍ତ କୌଣସି ଆଣ୍ଟିବାୟୋଟିକ ମିଳିନାହିଁ। ମାଇକୋପ୍ଲାଜମା ଜେନିଟାଲିୟମ ବିଷୟରେ ବିଶେଷଜ୍ଞମାନେ କୁହନ୍ତି ଯେ ଏହା ପ୍ରଥମେ ୧୯୮୦ ମସିହାରେ ଦେଖା ଦେଇଥିଲା। ଏହି ବ୍ୟାକ୍ଟେରିଆ ଲଣ୍ଡନରେ ଆବିଷ୍କୃତ ହୋଇଥିବାବେଳେ ୨୦୧୯ରେ ପ୍ରଥମ ଥର ପାଇଁ ଏହି ରୋଗ ଚିହ୍ନଟ ପାଇଁ ଆମେରିକାରେ ପରୀକ୍ଷା କରାଯାଇଥିଲା।
ଏହି ବ୍ୟାକ୍ଟେରିଆର ପ୍ରଭାବ ସାଂଘାତିକ ଏବଂ ଏହା ବିରୋଧରେ ବ୍ୟବହାର କରାଯାଉଥିବା ଔଷଧ ପ୍ରଭାବହୀନ ବୋଲି ପ୍ରମାଣିତ ହେଉଛି। ଏହା ଏକ ଯୌନ ସଂକ୍ରମଣ ସମସ୍ୟା ବୋଲି ଚିହ୍ନଟ କରାଯାଇଛି। ବୈଜ୍ଞାନିକମାନେ ଦାବି କରିଛନ୍ତି ଯେ ଏହି ବ୍ୟାକ୍ଟେରିଆ ସଂକ୍ରମଣ ରୋକିବା ପାଇଁ ଅନ୍ୟ କୌଣସି ବିକଳ୍ପ ନାହିଁ। ଉପଲବ୍ଧ ବିକଳ୍ପ ଗର୍ଭବତୀ ମହିଳାମାନଙ୍କ ପାଇଁ ଆଦୌ ସୁରକ୍ଷିତ ନୁହେଁ। ଏହି କାରଣରୁ ସଂକ୍ରମିତ ବ୍ୟକ୍ତି ପ୍ରଜନନ କ୍ଷମତା ହରାଇ ବସିବା ସହିତ ମହିଳାଙ୍କ କ୍ଷେତ୍ରରେ ଗର୍ଭାଶୟ ସମ୍ବନ୍ଧୀୟ ସମସ୍ୟା ସୃଷ୍ଟି ହୋଇଥାଏ।
ଏହି ଯୌନ ସଂକ୍ରମିତ ସମସ୍ୟାର ସବୁଠାରୁ ବିପଜ୍ଜନକ ବିଷୟ ହେଉଛି ଏହାର ଲକ୍ଷଣ ବର୍ଷ ବର୍ଷ ଧରି ମଧ୍ୟ ଚିହ୍ନଟ ହୋଇ ପାରି ନଥାଏ। ଅନ୍ୟାନ୍ୟ ଯୌନ ସଂକ୍ରମଣ ସମସ୍ୟା ପରି, ଏହାର କୌଣସି ଲକ୍ଷଣ ପ୍ରକାଶ ପାଇ ନଥାଏ। ବୈଜ୍ଞାନିକମାନେ କହିଛନ୍ତି ଯେ ଏହି ସଂକ୍ରମଣ ଜଣେ ବ୍ୟକ୍ତିଙ୍କଠାରୁ ଅନ୍ୟ ଜଣକୁ ଯୌନ ସମ୍ପର୍କ ଦ୍ୱାରା ବ୍ୟାପିଥାଏ। ଫଳରେ ଜନ୍ମିତ ଶିଶୁ ମଧ୍ୟ ଏହା ଦ୍ୱାରା ସଂକ୍ରମିତ ହୋଇପାରେ।